Jötnar - Fálkar 3-1 // Ásynjur - SR - BEIN ATVIKALÝSING

Mynd: Sigurgeir Haraldsson (05.01.2012)

Skautahöllin á Akureyri, laugardaginn 13. október.
     Kl. 16.30: Jötnar - Fálkar, mfl. kk.
     Kl. 19.30: Ásynjur - SR, mfl. kvk. (eða að loknum fyrri leiknum)

Tveir hokkíleikir verða í Skautahöllinni á Akureyri á laugardag, 13. október. Vegna leikjanna verður almenningstíminn styttur um klukkutíma, opið verður kl. 13-16.

Fyrri leikur dagsins hefst kl. 16.30 þegar Jötnar fá Fálka (SR) í heimsókn. Jötnar hafa spilað tvo leiki í Íslandsmótinu til þessa og unnu annan þeirra, eru með þrjú stig. Fálkar hafa hins vegar átt undir högg að sækja og eru án stiga enn sem komið er. Það má því búast við hörkuleik þessara liða í Skautahöllinni á morgun.

Að loknum leik Jötna og Fálka, líklega um kl. 19.30, hefst síðan leikur í mfl. kvenna. Þá taka Ásynjur á móti liði SR. Miðað við liðsstyrk og stöðu liðanna í deildinni má reikna með að Ásynjur stjórni þeim leik, en að sjálfsögðu er þó ekkert gefið fyrirfram. Ásynjur eru efstar í deildinni með átta stig, hafa unnið tvo leiki og þann þriðja í framlengingu.

Bein atvikalýsing er frá leikjunum í gegnum skráningarkerfi ÍHÍ. Fara þarf inn á tölfræðisíðuna á vef ÍHÍ, finna viðkomandi leik og smella á "live" til að fá upp glugga með lýsingunni.

Tölfræði mfl. kk (ÍHÍ)
Staðan, mfl. kk. (ÍHÍ)

Tölfræði mfl. kvk (ÍHÍ)
Staðan, mfl. kvk. (ÍHÍ)

Mynd: Sigurgeir Haraldsson (30.09.2011)