Ynjur - SR 4-1 (0-0, 0-0, 4-1)

Mynd: Sigurgeir Haraldsson

Ynjurnar úr SA sigruðu lið SR 4-1 í mfl. kvenna á Íslandsmótinu í íshokkí í Skautahöllinni á Akureyri í kvöld. Eftir markaleysi í fimmtíu mínútur skoruðu Ynjurnar fjögur mörk á rúmum fimm mínútum áður en SR svaraði með marki í blálokin.

Eins og áður hefur komið fram hér á vefnum eru sérstakar reglur um lánsleikmenn á milli liða í mfl. kvenna og er það liður í því að þróa og efla íþróttina hér á landi. Í leiknum í kvöld leika þær Elísabet Kristjánsdóttir, Arndís Sigurðardóttir og Sólveig Smáradóttir, allar Ásynjur, með Ynjunum. En SR-ingar hafa fengið þær Guðrúnu Blöndal og Jónínu Guðbjartsdóttur lánaðar fyrir þennan leik og tvær úr Birninum, Hrund Thorlacius og...

1. leikhluti
Þessar leikmannahrókeringar virðast að minnsta kosti skila því að leikurinn er jafnari en styrkleikar hvors liðs fyrir sig gefa tilefni til. Fyrsti leikhluti var raunar tíðindalítill og hvorugu liðinu tókst að skora.

2. leikhluti
Enn er markalaust að loknum 2. leikhluta. 

3. leikhluti
Íris Hafberg hefur varið eins og berserkur í marki SR, og það var ekki fyrr en á 50. mínútu sem Ynjum tókst að brjóta ísinn (!) og þá komu mörkin á færibandi. Fyrst skoraði Diljá Sif Björgvinsdóttir með stoðsendingu frá Kristínu Björgu Jónsdóttur (50.00), annað markið skoraði Silvía Rán Björgvinsdóttir (53.39) og síðan Díana Mjöll það þriðja (54.45). Thelma María Guðmundsdóttir bætti svo við fjórða markinu þegar um fimm mínútur voru eftir. Markaveislu lokamínútnanna var ekki lokið þar með því Guðrún Blöndal minnkaði muninn fyrir SR þegar tæplega tvær mínútur voru eftir.

50.00  1-0 Diljá Sif Björgvinsdóttir, stoðsending Kristín Björg Jónsdóttir.
53.39  2-0 Silvía Rán Björgvinsdóttir, stoðsending Diljá Sif Björgvinsdóttir.
54.45  3-0 Díana Mjöll Björgvinsdóttir, stoðsending Eva Karvelsdóttir.
55.05  4-0 Thelma María Guðmundsdóttir, stoðsending Arndís Sigurðardóttir
58.07  4-1 Guðrún Blöndal, stoðsending Vera Sjöfn Ólafsdóttir.

Ynjur
Diljá Sif Björgvinsdóttir 1/1
Silvía Rán Björgvinsdóttir 1/0
Díana Mjöll Björgvinsdóttir 1/0
Thelma María Guðmundsdóttir 1/0
Kristín Björg Jónsdóttir 0/1
Eva Karvelsdóttir 0/1
Arndís Sigurðardóttir 0/1
Refsingar: 2 mínútur
Skot á mark: 25

SR
Guðrún Blöndal 1/0
Vera Sjöfn Ólafsdóttir 0/1
Refsingar: 4 mínútur
Skot á mark: 9