Íshokkífólkið okkar erlendis að gera góða hluti

Silvía, Herborg, Saga og Sunna

Nú er íshokkítímabilið að hefjast vítt og breitt um heiminn og undirbúningstímabilið hjá íshokkífólkinu okkar erlendis í fullum gangi. Við eigum 5 stúlkur sem spila í 1. deildinni í Svíþjóð og spiluðu þær allar sínu fyrstu leiki með nýjum liðum um helgina og skemmtileg tilviljun að þær mætust einmitt allar á sama mótinu. Silvía og Sunna Björgvinsdætur byrjuðu tímbailið vel og hrósuðu sigri í MonkeySports bikarnum með liði sínu Södertälje en þær röðuðu einnig inn stigum fyrir sitt lið. Silvía skoraði 3 mörk og átti eina stoðsendingu og var næst stigahæsti leikmaður mótsins. Sunna var með 3 stoðsendingar og fjórði stigahæsti leikmaður mótsins og fékk einnig mikið lof fyrir varnarleikinn sinn og þá sérstaklega í úrslitaleiknum. Ragnhildur Kjartansóttir og lið hennar Färjestad spiluðu til úrslita gegn Södertälje og náði Ragnhildur að opna markareikninginn í fyrsta leik mótsins en Ragnhildur er sóknarsinnaður varnarleikmaður af bestu gerð. Saga Margrét Blöndal og Herborg Geirsdóttir spiluðu sem lánsleikmenn með Vesteras í mótinu en báðar eru þær á mála hjá Troja/ljungby og þóttu standa sig vel á mótinu. 

Drengirnir okkar eru einnig að gera góða hluti í Svíþjóð en Unnar Hafberg Rúnarsson hefur hafið leik með nýja liðinu sínu, Sollentuna U-18, og er búin að skora sín fyrstu mörk fyrir liðið. Uni Steinn Sigurðarsson hefur einnig dvalið í Svíþjóð við æfingar í ágúst og hefur fengið að æfa og spila með Trjoja/Ljungby U-15 og U-18 liði þeirra. Uni endaði dvöl sína þar um helgina með því að skora gullfallegt mark í sínum síðasta leik með liðinu. Þá er Axel Orongan komin aftur til Falu IF í Svíþjóð eftir eins árs dvöl í Bandaríkjunum. Gunnar Arason hélt svo ytra á föstudag en hann er á sínu öðru tímabili með A21 Academy í Kanada í vetur. Við munum fylgjast vel með okkar leikmönnunum á erlendri grundu í vetur og birta fréttir um framgang þeirra. Nokkrar skemmtilegar fréttir hafa verið fluttar af komu okkar leikmanna erlendis og þær má skoða með því að smella á nafn leikmannanna í þessari frétt.