Hokkíviðburður í kvöld

Landsliðið hlustar á þjóðsönginn - ljósmynd Kristján Maack

Í kvöld kl. 18:00 verður hörkuleikur á milli U18 ára landsliðsins og karlalandsliðsins.  Leikurinn er hluti af æfingaprógrammi liðanna, sem nú dvelja hér á Akureyri við stífar æfingar.  Þjálfari karlaliðsins er Sveinn nokkur Björnsson og honum til aðstoðar er Richard Tahtinen, en þjálfari U18 ára liðsins er Sergei Zak og honum til aðstoðar er Jón Gíslason.

 Á þessum tíma í dag var á dagskrá kvennaleikur en þar sem hann féll niður vegna veðurs var þessi leikur færður fram og því ætti enginn áhugamaður um íshokki að verða fyrir vonbrigðum í kvöld.

 Heyrst hefur að yngra liðið ætli sér að taka það eldra í gegn og sína þeim í tvö heimana.  Einhver unglingurinn hafði á orði að í eldra liðinu væru ekkert annað en hel-stirðar og gat-slitnar risaeðlur sem ekkert erindi ættu í unga og hrausta menn.