Íslandsmótið i krullu: Úrslit 10. umferðar

Mammútar unnu leik sinn gegn Görpum í kvöld og halda topsætinu en Riddarar fylgja þeim eins og skugginn, sigruðu Svarta gengið í kvöld.Mammútar og Riddarar mætast einmitt í næstu umferð. Víkingar sigruðu Fífurnar og komust þar með í hóp fjögurra efstu, jafnir Skyttunum. Skytturnar eiga þó leik til góða þar sem Üllevål og Skytturnar léku ekki í kvöld vegna forfalla. Leik þeirra liða er frestað til miðvikudagsins 17. mars.

Sem fyrr er keppnin um sæti í úrslitum gríðarlega jöfn og spennandi og eiga öll liðin enn möguleika á að komast í úrslit og ekkert lið öruggt inn í úrslitakeppnina enn sem komið er. Miðað við gang mótsins má reikna með að þegar upp verður staðið verði það innbyrðis viðureignir og jafnvel árangur í skotkeppni sem ræður því hvaða lið fara í úrslitin.

Staðan er nú þessi:

Öll úrslit, leikjadagskrá og tölfræði má finna í excel-skjali hér.

Ellefta umferðin verður leikin mánudagskvöldið 8. mars:

Braut 1: Riddarar - Mammútar
Braut 2: Skytturnar - Garpar
Braut 4: Üllevål - Fífurnar
Braut 5: Víkingar - Svarta gengið