Karfan er tóm.
Mammútar unnu Gimli-bikarinn
04.12.2012
Mammútar. Á myndina vantar Ólaf Frey Númason.
Lið Mammúta vann Gimli-bikarinn í krullu 2012, en mótinu lauk í gærkvöldi. Mammútar unnu fjóra leiki af fimm.
Lokaumferð mótsins fór fram í gærkvöldi, en fyrir hana höfðu Mammútar tryggt sér sigur í mótinu. Þeir máttu því við því að tapa lokaleiknum gegn Ice Hunt - og gerðu það reyndar. Úrslit lokaumferðarinnar urðu þau að Ice Hunt sigraði Mammúta, Garpar sigruðu Urtur og Fífurnar sigruðu Skytturnar.
Mammútar unnu mótið þrátt fyrir tapið í lokaumferðinni. Garpar og Ice Hunt urðu jöfn með 3 vinninga, en Garpar fá silfrið vegna sigurs í innbyrðis viðureign þessara liða. Fífurnar og Urtur enduðu með 2 vinninga en Fífurnar raðast ofar vegna sigurs í innbyrðis viðureign.
Lið Mammúta er þannig skipað: Jens Kristinn Gíslason, Jón Ingi Sigurðsson, Ólafur Freyr Númason, Ragnar Jón Ragnarsson og Sveinn H. Steingrímsson.
Lokastaðan:
| 1. | Mammútar | 4 vinningar |
| 2. | Garpar | 3 vinningar |
| 3. | Ice Hunt | 3 vinningar |
| 4. | Fífurnar | 2 vinningar |
| 5. | Urtur | 2 vinningar |
| 6. | Skytturnar | 1 vinningur |