SA vs Fjölnir tvíhöfði í Hertz-deild kvenna um helgina

Kvennalið SA tekur á móti Fjölni um helgina í toppslag Hertz-deildarinnar. Liðin mætast tvívegis - fyrst á laugardag kl: 16:45 og svo aftur á sunnudag kl. 9:45. Liðin eru jöfn að stigum á toppi deildarinnar og því má búast við hörkuleikjum þar sem liðin berjast um heimaleikjaréttinn í úrslitakeppninni. Miðaverð 1000 kr. frítt fyrir 16 ára og yngri og framhaldsskólanemum er boðið frítt á leikinn gegn framvísun skólaskirteinis. Sjoppan selur kaffi og með því í leikhléum. Forsala miða fer fram í miðasölu appinu Stubbur.