Úrslitakeppnin í meistaraflokki kvenna hefst á morgun

Ásynjur deildarmeistarar 2015(mynd: Elvar Pálsson)

Fyrsti leikur í úrslitakeppni kvenna fer fram í Skautahöllinni á Akureyri á morgun, þriðjudag kl 19.30. Ásynjur taka þá á móti Birninum en það lið sem fyrr sigrar í tveimur leikjum verður Íslandsmeistari. Ásynjur eiga Íslandsmeistaratitil að verja en þær eru einnig deildarmeistarar í ár og eru ósigraðar á þessu tímabili. Annar leikurinn í úrslitakepnninni fer fram í Egilshöll fimmtudaginn 26. mars og sá þriðji (ef til hans kemur) laugardaginn 28. mars á Akureyri.