Aðventumótinu lokið

Tveir af þremur nefndarmönnum í mótanefnd. Spilltir?

Hvort sem grunur um grátt gaman í störfum mótanefndar reynist á rökum reistur eða ekki er þó víst að þátttaka í aðventumótinu varð heldur minni en vonir stóðu til. Aðeins tíu manns tóku þátt í heildina, þar af fimm sem léku alla sex leikina. Nokkrir gátu reyndar ekki leikið alla leikina þar sem tvær umferðir fóru fram á sama tíma og Fálkar og Garpar léku til úrslita í Bikarmótinu. En af þeim leikmönnum sem eru að keppa að staðaldri í mótum Krulludeildar voru nokkuð margir sem spiluðu ekkert í Aðventumótinu.

Reglur mótsins gerðu ráð fyrir að fjögur bestu skor hjá hverjum og einum giltu þannig að þeir sem gátu mætt öll kvöldin höfðu dálítið forskot, fengu fleiri tækifæri til að vinna leiki og safna stigum og gátu þannig losað sig við tvö verstu skorin sín.

Miðað við þá reglu urðu úrslit þau að Haraldur Ingólfsson varð efstur með 78 stig, næstur kom Rúnar Steingrímsson með 75 stig og Jens Kristinn Gíslason varð þriðji með 59 stig. Haraldur og Jens léku alla sex leikina, Haraldur vann fjóra og tapaði tveimur en Jens vann þrjá og tapaði þremur. Rúnar lék hins vegar aðeins fjóra leiki og vann þá alla þannig að segja má að hann sé sigurvegari mótsins miðað við "fengin tækifæri". 

Úrslit skv. mótsreglunum:

En síðan er gaman að skoða stig þátttakenda miðað við að reglurnar hefðu verið öðruvísi. Í þessu móti voru gefin stig fyrir unninn leik (10), unnar umferðir (2) og skoraða steina (1). Við skulum skoða niðurstöðuna út frá mismunandi forsendum, fyrst út frá því að ekki sé miðað við að fjögur bestu skor gildi heldur að reiknað sé meðalskor hvers leikmanns þannig að þá eigi allir jöfn tækifæri hvort sem þeir spiluðu tvo, fjóra eða sex leiki. Þá er niðurstaðan þessi:

Síðan skulum við líta á niðurstöðuna ef notast hefði verið við einfalda stigasöfnun, þ.e. 2 stig fyrir sigur og 1 fyrir jafntefli, þannig að ef tveir eða fleiri yrðu jafnir að stigum þá myndu þeir raðast eftir fjölda unninna umferða og síðan skoraðra steina ef unnar umferðir voru jafnmargar. Látum hér fjögur bestu skor gilda:

 En skoðum þá meðaltalið út frá þessari síðustu töflu - þá er röðin þessi: