KEA styrkir ungliðastarf Hokkídeildar, Kærar þakkir KEA.

Þann 24. nóv. síðastliðinn ákvað KEA að veita Hokkídeild Skautafélags Akureyrar 200.000,- kr. styrk til kaupa á hlífðarbúnaði fyrir byrjendur og yngri iðkendur deildarinnar. Þessi styrkur er ómetanlegt framlag til nýliðunar og ungliðastarfs deildarinnar og aðkoma sterkra aðila að uppbyggingu í íþróttastarfi er það sem gerir okkur mögulegt að halda úti öflugu starfi börnunum okkar til heilla og hollustu í erfiðu árferði niðurskurðar og samdráttar. Íshokkídeildin vill nota tækifærið og þakka öllum sem styðja við starfið með stóru eða smáu og gera okkur þar með mögulegt að halda starfinu áfram.  Kærar þakkir.