Kvennalandslið Íslands í íshokkí hefur keppni á morgun

Kvennalandslið Íslands

Kvennalandslið Íslands hefur keppni á heimsmeistaramótinu í II deild B á morgun en keppnin fer fram í Jaca á Spáni. Liðin sem eru í riðlinum auk Íslands eru: Ástralía, Belgía, Spánn, Mexíkó og Slóvenía. 

Fyrsti leikur liðsins er á morgun gegn Mexíkó en leikurinn hefst kl 12 á hádegi á Íslenskum tíma. Íslenska liðið lenti í 4. sæti í mótinu sem haldið var í Reykjavík í fyrra en besti árangur liðsins er 3. sætið í þessari deild. Í gærkvöld var sýnd myndbrot af æfingu liðsins í kvöldfréttum sem hægt er að sjá hér. Hægt er að fylgjast með úrslitum liðsins á heimasíðu alþjóða Íshokkísambandsins hér. Og svo að sjálfsögðu á fésbókarsíðu liðsins. 

SA eiga 11 leikmenn í liðinu í ár en þar að auki eru þær stöllur Eva Þorbjörg, Silja Rún og Diljá Sif sem allar spila erlendis uppaldar í SA. Hér má sjá hópinn í heild sinni.