1000 manns í Skautahöllina

Mikill fjöldi fólks lagði leið sína í Skautahöllina á Akureyri laugardaginn 22. jan en þá var fólki boðið frítt á skauta í tilefni af heilsuátakinu "Einn, tveir og nú!". Milli átta og níu hundruð manns nýttu sér þetta góða boð sem Heilsueflingarráð og Skautahöllin stóðu fyrir. Veitingar voru í boði Nýju-Kaffibrennslunnar, Bakarísins við Brúna og Kexsmiðjunnar og eiga þau hrós skilið fyrir.

Um kvöldið stóð Krulludeild svo fyrir firmakeppni krullu þar sem 13 lið kepptu og var fjöldi manns í kringum þessa keppni (sjá nánar á curling.is ).