Skautafélag Akureyrar mætir Skautafélagi Hafnarfjarðar í fyrsta sinn á íshokkívellinum næstkomandi fimmtudag þegar liðin mætast í Skautahöllinni á Akureyri í toppdeild karla. Skautafélag Hafnarfjarðar, sem var stofnað fyrir þetta tímabil, er með góða blöndu af ungum og efnilegum, reynsluboltum í sportinu og erlenda leikmenn. Liðið fór rólega af stað í deildarkeppninni en hefur farið vaxandi og náði liðið í sín fyrstu stig á Íslandsmótinu í síðustu viku þegar liðið tapaði í framlengdum leik gegn Fjölni. Leikurinn á fimmtudag er heimaleikur Skautafélags Hafnarfjarðar en þar sem að Hafnarfjörður er ekki komið með heimavöll sér SA um umgjörð utan vallar eins og um sinn heimaleik sé að ræða en Skautafélag Hafnarfjarðar verður heimalið á markatöflu og inni í umgjörð leiksins á vellinum. Við bjóðum Skautafélag Hafnarfjarðar velkomið til leiks og hvetjum fólk til þess að mæta í stúkuna á þennan sögulega viðburð og má búast við flottum hokkíleik. 

Greiðsluseðlar félagsgjalda eru nú komnir í heimabanka félagsmanna og þeirra sem eru tengdir félaginu á einn eða annan hátt. Félagsgjaldið er kr. 3.900 kr. en við vonumst til þess að þú kæri félagsmaður greiðir félagsgjaldið sem birtist í heimabanka þínum og leggir okkur lið við uppbyggingu félagsins. Ef þú ert ekki félagsmaður í dag en vilt fá greiðsluseðilinn þarft þú aðeins að senda póst á skautahollin@sasport.is og sækja um aðild og þá færð þú sendan greiðsluseðil í heimabankann þinn. Ef þú hefur ekki áhuga á að vera félagi þá er hægt að eyða henni en hún hverfur sjálfkrafa 1. mars.

Í kvöld fór fram námskeið í félagsaðstöðunni í Skautahöllinni þar sem starfsfólk, þjálfarar, stjórnarfólk og helstu sjálfboðaliðar þvert á deildir fengu kennslu og þjálfun í samskipafærni og menningarlæsi hvar útgangspunkturinn er að aukinn skilningur auki umburðarlyndi og virðingu. Fyrirlesturinn eru fyrstu skrefin í átt að betra og bættara andrúmslofti í félaginu og hjálpa okkur að gera betur í síbreytilegu samfélagi.

Skautafólk sem man eftir útisvellunum eiga misjafnlega góðar minningar frá því að þurfa að byrja æfingarnar á því að hreinsa svellið af snjó. Oftar en ekki voru verkfærin verklegar sköfur sem kallaðar voru klárur.

Um helgina fer fram í Egilshöll alþjóðlega skautamótið Northern Light trophy sem haldið er af ÍSS. Þetta er í fyrsta sinn sem þetta mót er haldið. Við í SA eigum 4 keppendur á þessu móti.

Dómaranefnd íshokkísambandsins boðar til dómaranámskeiðs laugardaginn 26. október 2024. Námskeiðið verður haldið í Skautahöllinni á Akureyri og hefst klukkan 13:00. Dómaranefndin óskar eftir að fá alla sem munu dæma á yngri flokka mótum, bæði unga leikmenn og vel skautandi einstaklinga úr fullorðinsstarfi, óháð því hvort þeir séu keppendur í mótum sambandsins eða ekki á þetta námskeið. Félagsmenn í SA eru hvattir til þess að skrá sem flesta á þetta námskeið. Hægt er að skrá sig á námskeiðið í gegnum netið hér eða skanna QR-kóðann hér að neðan til að komast beint í skráningarformið.

Fyrsta mót vetrarins

Heilbrigðisteymi Skautahallarinnar á Akureyri, sem var stofnað síðastliðið haust að frumkvæði Jóhanns Þórs Jónssonar, hefur nú starfað í heilt tímabil. Heilbrigðisteymið hefur reynst frábærlega fyrir íþróttastarfsemi Skautahallarinnar og hefur skilað af sér greinargerð af tilefni þessara tímamóta.

Skautahlaup 16.okt-20.nóv. Miðvikudaga 19.30-21.05 og útiæfingar. Veturinn er á leiðinni! Það er æði að hreyfa sig úti og svífa á ísnum á svellinu á hlaupaskautum eða finna fyrir hraðanum i skautahöllinni. Skautahlaup er frábær æfing fyrir rass-og lærvöðvana og jafnvægið.

Íshokkídeild Skautafélags Akureyrar (SA) hefur undirritað nýjan þriggja ára samstarfssamning við Jako sem mun sjá deildinni fyrir íþróttafatnaði. Mikil ánægja er meðal félagsins með samstarfið sem hófst á síðasta ári. Jako hefur frá upphafi veitt framúrskarandi þjónustu og hefur komið til Akureyrar til að halda mátunardaga fyrir iðkendur SA.