Gimli Cup: Þrjú lið efst og jöfn

22.11.2010
Víkingar unnu Garpa í toppslag fimmtu umferðar. Fálkar komnir að hlið þeirra á toppnum.

Fimmta umferð Gimli Cup fór fram í kvöld og unnust allir þrír leikirnir með einu stigi. Víkingar sigruðu Garpa í toppslagnum og komust þar með upp að hlið Garpa. Fálkar sigruðu Mammúta og blanda sér þar með einnig í toppbaráttuna. Víkingar, Garpar og Fálkar hafa unnið þrjá leiki hver, en Víkingar standa þó betur að vígi, eiga tvo leiki eftir, en Garpar og Fálkar eiga aðeins einn leik eftir. Auk þess standa Víkingar betur að vígi í innbyrðis viðureignum gegn þessum tveimur liðum. Í þriðja leik kvöldsins sigruðu Fífurnar Skytturnar í aukaumferð. Fífurnar og Riddarar eiga enn góða möguleika á að blanda sér í toppbaráttuna en möguleikarnir fara þverrandi hjá Mammútum og Skyttum.

Úrslit 5. umferðar:

Fálkar - Mammútar  5-4
Fífurnar - Skytturnar  5-4
Víkingar - Garpar  6-5

Staðan:

Lið 
sigrar
  töp 
 Víkingar  
  3
  1
 Fálkar
  3  2
 Garpar  3
  2
 Fífurnar
  2
  2
 Riddarar
  2
  2
 Mammútar
  1
  3
 Skytturnar
  1
  3

Sjötta og næstsíðasta umferð fer fram miðvikudagskvöldið 24. nóvember.

Leikir 6. umferðar:
Braut 2: Skytturnar - Víkingar (bæði lið sjá um svellið)
Braut 4: Riddarar - Fálkar
Braut 5: Mammútar - Fífurnar

Liðin eru minnt á að greiða þátttökugjaldið fyrir næstu umferð - sjá nánar í frétt hér.

 

Til baka