Hokkídeildin velur Íþróttafólk Ársins

Hokkídeild Skautafélags Akureyrar notaði tækifærið og heiðraði Íþróttafólk Ársins innan sinna raða við upphaf kvennaleiksins sem spilaður er í Höllinni í kvöld af Ásynjum og Ynjum. Nafnbótina hlutu að þessu sinni Andri Már Mikaelsson karla megin og Sarah Smiley kvenna megin. Hokkídeildin óskar þeim báðum til hamingju með afar verðskuldaða viðurkenningu sem fyrirmyndar iðkendur og afreksfólk auk þess að hafa lagt íþróttinni og deildinni til krafta sína á óeigingjarnan og uppbyggilegan máta.