Icelandair Cup

Kvennaliðið er nú í Reykjavík að taka þátt í Icelandair Cup í boði Bjarnarins.   Stelpurnar spiluðu sinn fyrsta leik á fimmtudagskvöldið gegn Bison Ladies og gerðu sér lítið fyrir og unnu þann leik 4 - 1.  Mörkin skoruðu Sólveig Smáradóttir, Guðrún Blöndal, Jóhanna Sigurbjörg og Anna Sonja.

Í gærkvöldi spiluðu þær gegn Kingston Dimonds, sem talið er sterkasta liðið á mótinu, og töpuðu fyrir þeim 3 - 0.  Þær voru engu að síður ánægðar með árangurinn gegn sterku liði. 

Í dag spilar liðið tvo leiki, þann fyrri nú í hádeginu gegn dönsku liði og þann síðari í kvöld gegn Birninum.  Síðasti leikur liðsins verður svo á morgun.