2. flokkur með fullt hús stiga úr tvíhöfða gegn SR

Heiðar Örn á fullri ferð (mynd: Elvar Páls)

Annarflokkur SA vann 8-1 sigur á liði SR í gær en liðin mættust svo aftur nú í morgun og þá urðu lokatölur 10-5 SA í vil.

SR liðið mætti þunnskipað í tvíhöfðann með aðeins 9 útispilara. Í lið SA vantaði aðeins Hafþór Sigrúnarson. SA liðið spilaði fanta gott hokkí í fyrri leiknum og stjórnuðu leiknum vel en SR-ingar voru þó alltaf hættulegir í skyndiskóknum með þá Styrmi Maack og Sölva Atlason í fararbroddi. Heiða Örn Kristveigarson, Halldór Ingi Skúlason og Andri Ólafsson voru atkvæðamestir hjá SA í leiknum og skoruðu allir tvö mörk í leiknum.

Mörk og stoðsendingar SA:

Heiðar Krisveigarson 2/2

Halldór Ingi 2/0

Andri Ólafsson 2/0

Sigurður Freyr Þorsteinsson 1/1

Kristján Árnason 1/1

Bjartur Geir 0/1

Axel Snær 0/1

Matthías Már 0/1

SA liðinu vantaði Matthías Má í leiknum í morgun en hann veiktist í nótt og í fyrir fámennan hóp SR vantaði Markús Maack en hann fékk höfuðmeiðsli í fyrri leiknum og gat ekki tekið þátt. SA náði strax góðu forskoti í leiknum og leiddu 4-1 eftir fyrstu lotu. Liðin skoruðu bæði tvö mörk í annarri lotunni svo staðan var 6-3 en í þeirri þriðju skoruðu SA fjögur mörk gegn tveimur SR-inga og lokatölur því 10-5. Atkvæðamestir í markaskorun hjá liði SA voru þeir Andri Ólafsson, Kristján Árnason og Halldór Ingi Skúlason með tvö mörk hver en Styrmir Maack skoraði fjögur mörk fyrir SR í leiknum.

Mörk og stoðsendingar SA:

Heiðar Örn 1/2

Halldór Ingi Skúlason 2/0

Kristján Árnason

Andri Ólafsson 2/0

Axel Snær 0/2

Sigurður Freyr Þorsteinsson 1/1

Einar Kristján Grant 1/1

Alfreð Aðils 1/1

Silvía Rán Björgvinsdóttir 0/1

Diðrik Kristjánsson 0/1

Gunnar Aðalgeir 0/1