Samið við Jako til næstu þriggja ára

Jóhann Guðjónsson frá Jako og Elísabetu Ásgrímsdóttir formaður íshokkídeildar SA.

Íshokkídeild Skautafélags Akureyrar (SA) hefur undirritað nýjan þriggja ára samstarfssamning við Jako sem mun sjá deildinni fyrir íþróttafatnaði. Mikil ánægja er meðal félagsins með samstarfið sem hófst á síðasta ári. Jako hefur frá upphafi veitt framúrskarandi þjónustu og hefur komið til Akureyrar til að halda mátunardaga fyrir iðkendur SA.

Stefnt er að því að halda mátunardag á hverju hausti þar sem vörur frá Jako verða á sértilboði fyrir iðkendur. Þá er einnig stefnt að tilboðsdegi fyrir jól þar sem iðkendur geta tryggt sér vörur frá Jako á hagstæðum kjörum.

Vöruúrval SA má sjá á heimasíðu Jako: https://jakosport.is/voruflokkur/ithrottafelog/skautafelag-akureyrar/

SA fagnar áframhaldandi samstarfi við Jako og er spennt fyrir þeim tækifærum sem það mun skapa bæði fyrir iðkendur og félagið í heild sinni.

Á myndinni má sjá Jóhann Guðjónsson frá Jako og Elísabetu Ásgrímsdóttur, formann hokkídeildar SA, handsala nýjan samstarfssamning sem var undirritaður í gær á mátunardegi í Skautahöllinni.