Hringrásarmótinu lokið

Jæja þá er Hringrásarmótinu lokið og sunnanliðin lögð af stað heim. Keppendur hafa held ég aldrei verið fleiri og það er búið að vera mikið ævintýri að sjá þessa 140 iðkendur eigast hér við. Margir unnu góða sigra og aðrir töpuðu leikjum svona eins og gengur en saman vann þessi mikli hópur stóran sigur, það er að umgengni í Skautahöllinni var til fyrirmyndar og liðunum öllum til mikils sóma og vil ég þakka krökkunum sérstaklega fyrir það. Við vonum að allir hafi skemmt sér eins vel og við gerðum og hlökkum til næsta móts.