Íslandsmótið í krullu: Leikdagar úrslitakeppninnar

Lokaumferðir deildarkeppninnar eiga að fara fram mánudagana 11. og 18. mars. Ekki verður ljóst fyrr en deildarkeppninni lýkur hvort þá verður hægt að fara beint í úrslitakeppni fjögurra liða eða hvort leika þarf aukaleik(i) um það hvaða lið fara í úrslit.

Frestaður leikur úr þriðju umferðinni sem átti að fara fram í gær féll niður þar sem leikmenn annars liðsins voru veðurtepptir syðra. Ekki hefur verið tekin endanleg ákvörðun um tímasetningu á þeim leik.

Þegar ljóst er hvaða fjögur lið fara í úrslit, eða hvaða lið tryggja sér rétt til að leika um sæti í úrslitum, verður fundur með fyrirliðum liðanna þar sem endanlega verður ákveðið hvenær leikir úrslitakeppninnar fara fram.

Hugmyndin er að nýta einhverja af eftirtöldum dögum eftir þörfum og vilja:
Mánudagur 25. mars
Miðvikudagur 27. mars (dagurinn fyrir skírdag)
Mánudagur 1. apríl (annar í páskum)
Mánudagur 8. apríl
Mánudagur 15. apríl