Íslenska U18 liðið ósigrað og keppir um gullið á laugardag.

Strákarnir okkar (mynd: Árni Geir)

Íslenska landsliðið í íshokkí skipað leikmönnum 18 ára er búið að vinna alla leiki sína á heimsmeistaramótinu í III deild A sem fram fer í Taívan. Liðið vann í gær Mexíkó eftir vítakeppni og lagði svo Suður-Afríku í dag með fimm mörkum gegn fjórum.

Heiðar Kristveigarsson skoraði sitt fyrsta landsliðsmark í leiknum en bæði Sigurður Þorsteinsson og Hafþór Sigrúnarson áttu stoðsendingar í leiknum. Liðið er nú í góðri stöðu til að vinna gullverðlaun og koma sér upp um deild en til þess að tryggja það þarf liðið að ná stigum gegn Ísrael í síðasta leik sínum á laugardag. 

Svona eru úrslitin hjá liðinu það sem af er móti:

Ísland-Taívan 3-1

Ísland-Búlgaría 5-4

Ísland-Mexíkó 3-2 eftir vítakeppni

Ísland-Suður-Afríku 5-4 

Hér eru strákarnir okkar (mynd: Árni Geir Jónsson fararstjóri)