Jötnar og Ynjur leika í Egilshöll í dag

Karla leikurinn hefst kl. 16,30 og kvenna síðan strax að loknum fyrri leiknum um ca. 19,00. þetta er þriðji leikur Húna og Jötna í vetur og báðir voru á heimavelli Jötna. Jötnar höfðu betur í þeim báðum 4-2(2-1)(1-0)(1-1) og 6-4(1-1)(1-2)(4-1). Báðir leikirnir og sérstaklega sá seinni voru jafnir og bráð skemmtilegir á að horfa og til að mynda komu tvö síðustu mörk Jötna á 57,34 mín. og svo á 59,37.

Ynjur hafa spilað fjóra leiki í vetur og aðeins tapað einum og eru að koma afar sterkar inn eftir að hafa átt á brattann að sækja fram að þessu. Mikil sprenging hefur orðið í kvenna hokkíi hér á Akureyri og nú eru meira en helmingi fleiri keppendur í kvennahokkíinu hér fyrir norðan en fyrir tveim til þrem árum. Fyrir sunnan er þessi bylgja vonandi byrjuð líka því SR er nú með lið á öðru ári og eins hefur kvennaliði Bjarnarins bæst verulegur liðsauki og eru þar nú um eða yfir tuttugu liðskonur.