Kvennaflokkur SA - Björninn

Á morgun kl: 17,00 verður 5. leikurinn á milli SA og Bjarnarins í kvennaflokki. Fyrstu 3 leikirnir unnust með miklum mun, fyrst Björninn en svo SA tvisvar. Síðasti leikur var hinsvegar mun jafnari eða 5:4 fyrir SA svo það stefnir í hörku baráttu og ekki endilega víst fyrirfram hvernig fer svo það verður örugglega gaman að fylgjast með.

Á hokkíleiknum á morgun kl: 17,00 verður kveðjukaffi og kökur í boði Skautafélagsins á meðan á leik stendur, en Denni "okkar" er að hætta störfum í höllinni og ætlar að snúa sér að öðru eftir langt og farsælt starf. SA þakkar Denna samstarfið og óskar honum góðs gengis á nýrri slóð.

Strax á eftir kvennaleiknum verður svo leikur í 3.flokki á milli SA og Bjarnarins.