Úrslitakeppnin í Hertz-deild kvenna hefst annað kvöld

Úrslitakeppnin í Hertz-deild kvenna hefst annað kvöld, þriðjudaginn 4. febrúar þegar SA stúlkur mæta liði Reykjavíkur. Fyrsti leikur fer fram í Skautahöllinni á Akureyri og hefst leikurinn kl. 19.30. SA eru deildarmeistarar og unnu 8 af 10 viðureignum liðanna í vetur en leikirnir hafa verið jafnir og spennandi svo búast má við hörkuviðureignum. Liðið sem fyrr vinnur 2 leiki verður Íslandsmeistari en annar leikurinn verður spilaður í Reykjavík á fimmtudag og sá þriðji ef til kemur á Akureyri á sunnudag. Frítt er inn á leikinn - fyllum stúkuna og hvetjum okkar lið til sigurs!