Við riðum ekki feitum hesti frá viðureign okkar gegn Birninum í Egilshöllinni í gær en gestjafarnir báru sigur úr býtum með 5 mörkum gegn 3.  Bjarnarmenn eru í miklu stuði um þessar mundir og hafa nú unnið 4 leiki í röð.  Við fórum ágætlega af stað í gær og fyrsta lota var hröð og skemmtilega þó ekkert mark væri skoðað.  Öll mörk SA komu í 3. lotu en henni lauk 3 - 2 fyrir okkur og því var bjartsýnin ríkjandi fyrir síðustu lotuna.  Þar vorum við hins vegar skotnir í kaf og töpuðum henni 3 - 0 þar sem síðasta markið var "empty netter" á síðustu sekúndunum.

Í kvöld hófst Evrópumeistaramótið í listhlaupi á skautum í Tallinn. Á mótinu má sjá bestu skautara Evrópu t.a.m. systkinin Peter og Ivönu sem hafa skautað hjá okkur um árabil undir leiðsögn mömmu sinnar hennar Ivetu "okkar" :)  Hér er heimasíða mótsins en þar er að finna dagskrá, keppendalista og ýmislegt annað fróðlegt. Hægt er að fylgjast með mótinu í gegnum netið fyrir þá sem ekki geta horft á það í sjónvarpinu, hér er einn tengill. (Munið að Tallinn er 2 klst. á undan okkur)

Íþróttaráð Akureyrar veitti á dögunum viðurkenningar til nokkurra einstaklinga sem hafa í gegnum tíðina lagt sín lóð á vogarskálarnar í þágu íþróttamála á Akureyri.  Einn þeirra sem hlutu viðurkenningu að þessu sinni var Guðmundur Pétursson, eða Kubbi eins og við Skautafélagsfólk þekkjum hann.  Kubbi fæddist í Innbænum árið 1940 þar sem hann átti sín æsku og ungdómsár og byrjaði snemma að renna sér á skautum líkt og Innbæinga er siður.
 
Hann hefur allra manna lengst setið í formannsstóli SA, frá 75-76 og aftur frá 79 – 89.  Lengi vel bar hann félagið á herðum sér og barðist fyrir rekstri og viðhaldi skautasvæðanna hér í bænum.  Sá hann þá bæði um samskipti við íþrótta- og bæjaryfirvöld auk þess sem hann skilaði ómældri vinnu við uppbyggingu og viðhald svæðanna.

Prins er hvítur stutthærður meðalstór og býr í Aðalstrætinu og hefur ekki komið heim í nokkra daga. Ef þið sjáið hann þá hringið í Söruh 8681640