Sumaræfingabúðir - 3 vikur á enda og 1 eftir
22.08.2009
Hér er smá samantekt á viku 1, 2 og 3 í æfingabúðunum.
Karfan er tóm.
PAPPÍR
20.08.2009
Þeir sem hafa áhuga á að fá pappír núna í ágúst eru beðnir að hafa samband við mig, ekki sækja pappír áður. Næst er hægt að fá pappír í október áður en farið verður suður á fyrsta mótið sem verður í nóvember, þá er hægt að selja uppí kostnaðinn í þeirri ferð..
Þeir sem eiga enn hjá mér pening fyrir kertum og kleinum eru beðnir að hafa samband sem fyrst.
kleinupening á Lóa Aðalheiður, kertapening eiga Snjólaug Vala, Saga Snorrad, Birna Pétursd. Elva Hrund og Elsa Björg
Allý / s, 8955804
Selt og keypt
20.08.2009
Minni á siðuna Selt og keypt fyrir þá sem vilja kaupa búnað eða losa sig við búnað.
Myndbönd af Ivönu Reitmayerova og Peter Reitmayer
19.08.2009
Hér eru myndbönd af Ivönu og Peter frá keppnum erlendis fyrir þá sem áhuga hafa. Þau verða hér hjá okkur þar til í lok ágúst með mömmu sinni Ivetu sem kennir nú sem gestaþjálfari hjá LSA. Hér má sjá Peter á Junior Grand Prix 2008 og hér má sjá Ivönu á heimsmeistaramótinu í Helsinki 2009 þar sem hún varð 14. í heildina og yngst keppenda.
Hokkískóli Óldboys haustið 2009
16.08.2009
Hokkískóli Óldboys haustið 2009:
Verður haldinn síðustu tvær vikunar í ágúst og byrjar
MÁNUDAGSKVÖLDIÐ 17. ÁGÚST
Svona lítur stundaskráin út,,, muna pennaveski og hokkígalla !!!
Mánudagskvöld, miðvikudagskvöld og fimmtudagskvöl frá kl 20:00 – 22:00
KK
Björn Guðmundsson
S: 869 5060
Drög að tímatöflu viku 4 í æfingabúðum LSA
14.08.2009
Hér undir lesa meira má finna drög að tímatöflu fyrir viku 4 í æfingabúðum LSA. Athugið að planið gæti breyst og kemur þá tilkynning um það sérstaklega.
Æfingar fyrir byrjendur hefjast 16. september
14.08.2009
Æfingar fyrir byrjendur og styttra komna - í svokölluðum D hópi hefjast þann 16. september n.k. og eru allir að sjálfsögðu velkomnir á æfingar hjá deildinni. Miðað er við að börn á leikskólaaldri æfi einu sinni í viku bæði á og af ísnum, en grunnskólabörn tvisvar sinnum - drög að tímatöflu haustannar má sjá á tengli hér til vinstri. Þann 16. sep. verður skráningardagur í höllinni.
Aðrir iðkendur í öllum C,B og A flokkum hefja leikinn þann 31. ágúst.
Hlökkum til að sjá ykkur
kær kveðja
Stjórnin
Einkatímar
13.08.2009
Hægt er að fá einkatíma hjá Ivetu, Helgu Margréti og Audrey Freyju meðan á æfingabúðunum stendur. Það er takmarkaður ístími í boði og því mikilvægt að þeir sem áhuga hafa panti tíma sem fyrst. Best er að panta tímana með því að tala við viðkomandi þjálfara beint. Við bendum á að ekki má trufla hóptíma á ís til að panta, best að reyna að hitta á þjálfara meðan heflanatímar eru eða á opnum tímum. Iveta og Helga Margrét bjóða upp á tíma í tækni og prógrammagerð en Audrey Freyja mun bjóða upp á tíma í "choreography" eða listfengi (fínpússa prógröm, bæta inn hreyfingum o.s.frv.). 30 mín hjá Ivetu kosta 2500 kr en 1200 kr. hjá Helgu Margréti og Audrey Freyju. Borga skal áður en tíminn byrjar. Það er hægt að senda Helgu Margréti póst á helgamargretclarke@gmail.com og Audrey Freyju póst á audreyfreyja@gmail.com, auðvelt er að hitta á Ivetu niður í höll :)
Nú styttist í að æfingar fari að hefjast
11.08.2009
Jæja góðir iðkendur nú styttist í að tímabilið fari af stað. Nú er allur undirbúningur á fullu og stefnt að því að byrja æfingar þriðudaginn 1. sept. nánar um það síðar. Verið er að leggja lokahönd á vetrardagskránna í samráði við ÍHÍ og hin félögin, og Josh og Sara eru að setja saman æfingatöflu vetrarins. Við stefnum á að fjölga í hokkínu í vetur svo verið nú dugleg að hvetja vini og vandamenn til að koma og prófa hvort sportið hentar þeim. Kvenna vikan í sumar-hokkískólanum er búin og tókst afburða vel og þátttakendur mjög ánægðir og nú er í gangi vika fyrir 12 ára og yngri og sé ég ekki betur en gamanið og skemmtunin séu í hæstu hæðum (O: Varðandi skápana þá eiga þeir sem voru með skápa í fyrra forleigu-rétt, en umsjón með skápunum er í höndum Reynis í reynir@sasport.is eða 6604888. Meira þegar nær líður og hlutirnir verða komnir betur á hreint.