Íslandsmótið í íshokkí er byrjað og það með hraði. Tímabilið í ár verður stutt sökkum framkvæmda í skautahöllinni hjá okkur á Akureyri en úrslitakeppnin verður leikin í lok febrúar í ár. Af þessum sökum er leikjadagskráin þétt en mótið byrjaði nú einmitt síðasta þriðjudag þegar SA Víkingar heimsóttu Björninn í Egilshöll. Bæði lið hafa misst marga leikmenn fyrir tímabilið í ár en það fór svo að Víkingar sóttu stigin þrjú, lokatölur 5-0.

Hokkí & Sport mætir til Akureyrar næstu helgi og verður með verslun sína í fundarherberginu í Skautahöllinni á Akureyri á laugardag frá klukkan 12-16 og á sunnudag frá klukkan 13-16. Komum með fullt af nýju dóti með okkur og það er um að gera að hafa samband við okkur hér á Facebook eða hringja í síma 588-9930 ef það er eitthvað sem þið viljið að við komum með sérstaklega eða þurfum að panta.

Krakkar 4 til 11 ára eru velkomnir á æfingar FRÍTT í september. Mikið fjör, mikil gleði.

ÍHÍ mun standa fyrir dómaranámskeiðum bæði á Akureyri og í Reykjavík. Gert er ráð fyrir að námskeiðið á Akureyri verði nk. föstudag þ. 4. september í skautahöllinni og hefjist klukkan 18.00. Námskeiðið í Reykjavík verður svo haldið miðvikudaginn 9. september. Staður og tími verður birtur fljótlega. Námskeiðið er opið öllum þeim sem hafa áhuga á hvort sem þeir ætla sér að verða dómarar eður ei.

Í dag var listhlaupadagurinn haldinn hátíðlegur í öllum skautahöllum landsins í fyrsta skipti. Reynsla dagsins sýnir að þessi dagur er komin til að vera.

Búið er að opna fyrir skráningu á haustönn 2015 inni á iba.felog.is . Skráningu þarf að vera lokið fyrir 15. september. Ef einhverjar spurningar vakna endilega hafið samband með því að senda póst á formadur@listhlaup.is

Þá er skautaveturinn 2015-2016 að hefjast hjá listhlaupinu. Við viljum byrja á að þakka öllum sem þátt tóku í æfingabúðum sumarsins fyrir þátttökuna og dugnaðinn. Æfingar hjá 1. - 3. hóp eru hafnar, en æfingar hjá byrjendahóp og fyrrum keppendum hefjast miðvikudaginn 2. september. Frá og með næsta mánudegi verður hægt að fara inn á iba.felog.is og skrá iðkendur inn í Nóra. Við munum auglýsa það sérstaklega strax eftir helgi. Tíimatöflu fyrir dagana 24. ágúst til 1. sept er að finna undir flipanum tímatafla hér til hliðar

Talning í Bónus

Nú er um að gera að huga að skautatöskum.

Var að fá flís skautabuxur á útsölu verði