Skautafélag Akureyrar

Fréttir

05.02.2025

Risastór hokkíhelgi framundan hjá meistaraflokkunum

Það er risa hokkíhelgi framundan hjá meistaraflokkunum okkar en það verða þrír heimaleikir spilaðir í Skautahöllini um helgina. SA Víkingar mæta Fjölni á laugardag og meistaraflokkur kvenna spilar tvíhöfða við Fjölni laugardag og sunnudag. SA Víkingar eru í harðri baráttu um sæti í úrslitakeppninni við Fjölni og SR en SA Víkingar eru í lykilstöðu með 3 stiga forskot á SR og 8 stiga forskot á Fjölni og eiga einnig leiki til góða. Kvennaliðið okkar er í góðri stöðu um sæti í úrslitakeppninni með 12 stiga forskot á SR en 3 sigum á eftir Fjölni svo leikirnir um helgina geta einnig skorið úr um hvaða lið nær heimaleikjarétt. Við búumst við frábærum hokkíleikjum um helgina og ætlum að fyllum stúkuna og styðja okkar lið til sigurs takk fyrir.

31.01.2025

Skautafélag Akureyrar fékk styrk frá Norðurorku

Á miðvikudag fór fram afhending á styrkjum Norðurorku til samfélagsverkefna vegna ársins 2025 í Menningarhúsinu Hofi en þar fékk Skautafélag Akureyrar veglegan styrk. Verkefnið sem Skautafélag Akureyrar fékk styrk fyrir eru skautar fyrir byrjendur á listskautum en en Stella Pauli tók við styrknum fyrir hönd Skautafélagsins. Skautafélag Akureyrar kann Norðurorku miklar þakkir fyrir styrkinn og þáttöku þess í samfélagsverkefnum á starfsvæðinu.

28.01.2025

Fjölmennasta MaggaFinns mótinu lokið

Um helgina fór fram MaggaFinns mótið í íshokkí í Skautahöllinni þar sem 9 lið heldri manna lið í blönduðum kynjum kepptu um MaggaFinns bikarinn eftirsótta. Mótið í ár markaði ákveðin tímamót því 20 ár eru síðan Magnús Einar Finnsson fyrrverandi formaður Skautafélags Akureyrar til margra ára lést en hann var meðal fyrstu manna sem tekin var inn í Heiðursstúku Íshokkísambands Íslands fyrir sín störf fyrir íshokkí á Íslandi.

27.01.2025

U20 landsliðið í 5. sæti á HM

Íslenska U20 landsliðið tapaði lokaleiknum sínum á HM naumlega með tveimur mörkum gegn þremur á móti Ísrael en ljóst var að sigur í leiknum gaf silfuverðlaun í mótinu. Ísrael fékk því silfrið en riðillinn var það jafn að Ísland datt niður í 5. sæti. Það má þó segja að frammistaða liðsins hafi verið góð og að gera jafn góða atlögu að verðlaunasæti og raunin varð er mjög ásættanlegur árangur. Við óskum liðinu til hamingju með gott mót og hlökkum til að fylgjast með þessu liði til framtíðar.

25.01.2025

U18 landslið kvenna vann til silfurverðlauna á HM

U18 kvennalandslið Íslands vann silfurverðlaun á HM í 2. deild B en liðið mátti sæta 0-2 tapi gegn Tyrkjum í hreinum úrslitaleik um gullverðlaunin. Lokaleikurinn var mjög jafn en íslenska liðinu tókst hreinlega ekki að brjótast í gegnum Tyrkneska múrinn sem var hvattur áfram af stútfullri höll í Istanbúl og eflaust mikil upplifun fyrir okkar ungu stelpur en ekki alveg umhverfi sem liðið á að venjast. Íslenska liðið lék við hvern sinn fingur í mótinu og sýndi frábæra frammistöðu og jafnaði sinn besta árangur frá síðasta ári. Úrslitin í lokaleiknum eru eðlilega ákveðið svekkelsi fyrir íslenska liðið sem skapaði langflest marktækifæri allra liða á mótinu og var einnig tölfræðilega með bestu vörnina. Við óskum liðinu til hamingju með árangurinn og frammistöðuna og ljóst að framtíðin er virkilega björt.

23.01.2025

Íþróttahátíð Akureyrar fyrir árið 2024 í kvöld

Íþróttabandalag Akureyrar og Akureyrarbær bjóða bæjarbúum til athafnar í Hofi í kvöld, fimmtudaginn 23. janúar kl. 17.30 þar sem kjöri íþróttakonu og íþróttakarls Akureyrar verður meðal annars lýst. Verður þetta í 46. sinn sem Íþróttamaður Akureyrar er heiðraður og í níunda sinn þar sem bæði íþróttakona- og íþróttakarl Akureyrar eru valin og heiðruð. Skautafélag Akureyrar á tvo fulltrúa í kjörinu að þessu sinni íshokkífólkið Shawlee Gaudreault og Jóhann Már Leifsson en bæði tvö eru á top 10 listanum fyrir valið í kvöld.

22.01.2025

Mikilvægir leikir hjá ungmenna landsliðunum okkar í dag

Það er stór dagur hjá bæði U20 drengjalandsliðinu okkar sem statt er í Belgrad og líka U18 stúlknalandsliðinu okkar sem keppir í Istanbúl en bæði lið eiga mikilvæga leiki á Heimsmeistaramótum í dag. Það vill svo skemmtilega til að Skautafélag Akureyrar á 14 leikmenn í hvoru liði en auk þess eru fjölmargt fólk úr félaginu í fararstjórnum og þjálfarateymum liðanna. Strákarnir okkar í U20 eiga leika gegn Ástralíu í dag en Íslenska liðið er með einn sigur eftir tvo leiki í riðlinum eftir frækinn sigur á heimaliðinu Serbíu á mánudag á meðan Ástralía er stigalaust. Sigur í leiknum í dag þýðir að liðið er komið í toppbaráttuna í riðlinum. Beint streymi verður frá leiknum sem má finna hér. U18 kvennaliðið er búið að vinna tvo fyrstu leikina í sínum riðli á sannfærandi hátt en eiga eftir að mæta tveimur af sterkari þjóðunum sem verða báðir úrslitaleiki um gullverðlaun á mótinu en sá fyrri er í dag gegn Mexíkó og hefst sá leikur kl. 16:00 en beint streymi frá leiknum má finna hér. Við sendum hlýja strauma til Belgrad og Istanbúl - Áfram Ísland!

20.01.2025

Stærsta barnamótið til þessa

Það var mikil gleði í Skautahöllinni um helgina þegar stóra Barnamótið í íshokkí yngri en 10 ára var haldið þar sem voru samankomnir 160 keppendur frá Skautafélagi Akureyrar, Fjölni og Skautafélagi Reykjavíkur. Aldrei hafa fleiri keppendur tekið þátt í barnamóti áður svo við vitum af að minnsta ekki frá Skautafélagi Akureyrar en félagið átti 93 keppendur 9 ára og yngri á mótinu. Mótið tókst gríðarlega vel en sjálfboðaliðar á vegum foreldrafélags SA sem eiga veg og vanda að skipulagningu mótsins eiga hrós skilið fyrir frábæra umgjörð og utanumhald. Við þökkum öllum keppendum fyrir komuna á mótið og hlökkum til að fylgjast með öllum þessum frábæru íshokkíkrökkum á næstu árum.

Eldri fréttir & tilkynningar

Allir í stúkuna

Næstu leikir

Skautahöllin Akureyri
SA Víkingar - Fjölnir

16:45 lau 8. feb
Skautahöllin Akureyri
SA - Fjölnir

19:30 lau 8. feb
Skautahöllin Akureyri
SA - Fjölnir

18:45 sun 9. feb

myndbrot

SA TV

Á SA TV youtube síðunni eru flest öll mót, leikir og viðburðir sem fara fram í Skautahöllinni á Akureyri sýnd í beinni útsendingu. Þar má finna allt efni einnig aftur í tímann.

SA tv

Lesa meira

Viðbragðsáætlun

Viltu æfa Íshokkí?

Byrjendaæfingar fyrir 2018 og yngri kl 17:00 þriðjudaga og fimmtudaga

Allur búnaður á staðnum og öllum velkomið að koma prófa! Bara mæta 30 mín fyrir æfingu.

Eldri árgöngum velkomið að mæta á æfingar og prófa með sínum árgangi en hafið samband við Söruh Smiley - hockeysmiley@gmail.com

Hokkírútan fer af stað í næstu viku og sækir 2015, 2016 og 2017 árganga í alla skóla bæjarins.

Handbók SA - fyrirmyndarfélag

Skautafélag Akureyrar er fyrirmyndarfélag ÍSÍ

Viltu æfa Listskauta?

Langar þig að æfa?

Það kostar ekkert að koma prófa

Skráning og frekari upplýsingar:

Listskautar: Ingibjörg Magnúsdóttir: formadur@listhlaup.is

UPPLÝSINGAR FYRIR BYRJENDUR (4.HÓP)

Æfingar eru á mánudögum og miðvikudögum kl 16:00-17:15. Æfingarnar hefjast á upphitun afís. Við tökum á móti nýjum iðkendum yfir allan veturinn. Fyrirfram skráning er ekki nauðsynleg, en gott er að láta þjálfara vita. Það er frítt að prufa í eina viku.
Æfingafatnaður: Mikilvætt er að æfingafatnaður sé lipur, þægilegur og falli þétt að líkamanum til þess að þjálfari geti séð líkamsstöðu og líkamsbeitingu iðkanda. Kuldagallar, snjóbuxur, gallabuxur, hettupeysur og stórar úlpur er ekki æskilegur æfingafatnaður. Gott er að nota undirbuxur (ullarbuxur, sokkabuxur) og t.d. leggings eða flísbuxur yfir. Það er ekki gott að nota ökklasokka eða ullarsokka, bara venjulega sokka. Ávallt skal nota vettlinga á ísæfingum og vera með hjálm á höfðinu. Gott er að hafa buff eða eyrnaband undir hjálminum. Mikilvægt er að þeir iðkendur sem eru með sítt hár hafi það greitt vel frá andlitinu, með hárið í teygju eða noti buff.
Búnaður: Hægt er að fá bæði skauta og hjálma lánaða í skautahöllinni fyrir æfingar
Skráning iðkenda og greiðsla æfingagjalda fer fram í gegnum SPORTABLER SHOP kerfið. SPORTABLER er íslenskt vef - og snjallsímaforrit sem einfaldar alla viðburðastjórnun, samskipti og utanumhald íþróttastarfsins. Mikilvægt að allir iðkendur séu tengdir SPORTABLER til að fylgjast með ef það eru breytingar á æfingatíma. Nánari upplýsingar um SPORTABLER kerfi má finna hér
facebook síða 4. hóps https://www.facebook.com/groups/230321910761187

Nánari upplýsingar: formadur@listhlaup.is

Æfingagjöld
	Allur veturinn	haustönn/vorönn	Iðkendagjald ÍSS
1.hópur	315.000 kr	170.000 kr	3.500 kr
2.hópur	230.000 kr	130.000 kr	3.500 kr
3.hópur	165.000 kr	90.000 kr	3.500 kr
4.hópur		60.000 kr	3.500 kr

Þjálfarar Listskautadeildar
Yfirþjálfari:
Jana Omelinová
Aðrir þjálfarar (aðstoðarþjálfarar hjá 3. og 4. Hóp(byrjendahóp):
Telma Marý Arinbjarnardóttir
Varvara Voronina (dans og byrjendahópur) : thjalfari@listhlaup.is
Kristbjörg Eva Magnadóttir
Freydís Jóna Jing Bergsveinsdóttir

Viðburðalisti

Skoða alla viðburði

Frábær aðstaða

Verið velkomin í höllina

Skautasvellið í Skautahöllinni á Akureyri er opið fyrir gesti um helgar. Í skautahöllinni er hægt að fá leigða skauta og hjálma til afnots ásamt skerpingarþjónustu. Veitingarsala er opin á almenningstímum.

BÓKANIR AFMÆLI HAFA SAMBAND

Karfan þín