05.02.2019
SA Víkingar tryggðu sér deildarmeistaratitilinn í Hertz-deild karla á laugardag þegar liðið lagði Björninn í framlengingu. SA Víkingar tryggðu sér einnig heimaleikjaréttinn í úrslitakeppninni sem hefst í mars en liðið hefur unnið 10 af 12 leikjum sínum í deildarkeppninni í vetur. Björninn og SR keppast nú um hvort liðið mætir Víkingum í úrslitakeppninni en hvort liðið á 3 leiki eftir en SA Víkingar 4.
04.02.2019
Tvær umferðir búnar í Gimli Cup
04.02.2019
Keppni sunnudagsins var mjög hörð og enduðu leikar þannig að Aldís Kara Bergsdóttir landaði silfrinu með nýju stigameti í Junior og nýju íslensku stigameti, en hún hlaut samanlagt 108.45 stig. Marta María Jóhannsdóttir landaði bronsinu með persónulegu stigameti, en hún hlaut samanlagt 107.12 stig
04.02.2019
LSA stúlkur stóðu sig gríðalega vel og urðu til persónuleg met í báðum flokkunum sem við áttum keppendur í á laugardaginn. Júlía Rós Viðarsdóttir landaði silfri í Novice á nýju persónulegu meti og Marta María Jóhannsdóttir og Aldís Kara Bergsdóttir standa í öðru og þriðja sæti að loknum fyrri keppnisdegi.
04.02.2019
REYKJAVIK INTERNATIONAL GAMES (RIG) 2019 - Keppni í listhlaupi hófst á föstudaginn 1. febrúar. RIG er stærsta mót vetrarins sem haldið er af Skautasambandi Íslands. Á þetta mót koma fjölmargir erlendir keppendur og í ár eru þátttakendur frá 14 löndum allsstaðar að úr heiminum, Azerbaijan, Ástralíu, Chines Taipei, Finnlandi, Frakklandi, Bretlandi, Grikklandi, Indónesíu, Ítalíu, Kasakstan, Noregi, Nýja-Sjálandi, Suður-Afríku, Sviss auk Íslands.
31.01.2019
Frostmótið sem er íshokkímót yngstu iðkenndanna verður haldið hjá okkur í Skautahöllinni um helgina. Um 160 börn eru skráð til leiks og verður leikið á laugardag og sunnudag frá kl. 7.45. Dagskrá mótsins má finna hér. Leikið er í 4 flokkum, 5. 6. og 7. flokki ásamt krílaflokki. Við hvetjum alla sem hafa gaman af íshokkí til að mæta í stúkuna og sjá öll glæsilegu börninn okkar að leik.
31.01.2019
SA Víkingar taka á móti Birninum í annað sinn í vikunni í Hertz-deild karla laugardaginn 2. febrúar kl. 19.30 í Skautahöllinni. Víkingar lögðu Björninn með 4 mörkum á þriðjudag og geta með sigri á laugardag tryggt sér deildarmeistaratitilinn. Björninn hinsvegar er í mikilli baráttu um sæti í úrslitakeppninni svo búast má við svakalegum leik. Við mælum með að mæta snemma í húsið til að missa ekki af inngangsatriði Víkinga og grípa kvöldverðin í húsinu en Lemon verður á svæðinu með besta bitann í bænum. Sjoppan verður einnig opin á sínum stað með kaffi og með því, aðgangseyrir 1000 kr. frítt fyrir 16 ára og yngri.
27.01.2019
SA Víkingar taka á móti Birninum í Hertz-deildinni þriðjudaginn 29. janúar kl. 19.30 í Skautahöllinni. Liðin hafa skipt stigunum jafnt á milli sín í innbyrðisleikjum vetrarins og hafa allir leikirnir unnist í framlengingu eða með einu marki svo búast má við hörkuleik. Við mælum með að mæta snemma í húsið til að missa ekki af inngangsatriði Víkinga og grípa kvöldverðin í húsinu en Lemon verður á svæðinu með besta bitann í bænum. Sjoppan verður einnig opin á sínum stað með kaffi og með því, aðgangseyrir 1000 kr. frítt fyrir 16 ára og yngri.
23.01.2019
Riddarar Bikarmeistarar og Garpar Akureyrarmeistarar 2018
21.01.2019
Íslenska U-20 landsliðið okkar í íshokkí náði 5. sætinu á heimsmeistaramótinu sem fram fór í Laugardal með sigri á Tapei í síðasta leik sínum á mótinu. Niðurstaðan er nokkur vonbrigðið en þrátt fyrir það þá stóð liðið sig vel og vann liðið alla sína leiki nema einn, en það kom í veg fyrir að liðið myndi keppa til úrslita í mótinu. Tyrkland náði 3. sætinu í mótinu með sigri á Búlgaríu og Kína stóð uppi sem sigurvegari í mótinu með öruggum sigri á Ástralíu í úrslitaleiknum og fer því upp í 2. deild. Okkar maður hann Sigurður Freyr Þorsteinsson fyrirliði liðsins var valinn besti leikmaður íslenska liðsins á mótinu. Annar uppalinn SA leikmaður hann Heiðar Kristveigarsson var valinn besti sóknamaður heimsmeistaramótsins og Axel Orongan var stigahæsti leikmaður íslenska liðsins.