Desember er með líflegri mánuðum í Skautahöllinni en aðsókn á almenningstímana var með besta móti í ár. Um 2000 gestir komu á almenningstímana í mánuðinum sem er að öllu jöfnu vel sóttur enda fastur liður í mörgum fjölskyldum að fara á skauta yfir hátíðirnar. Heildarfjöldi gesta á opna almenningstíma það sem af er tímabili er nú komin yfir 5000 gesti þegar skautatímabilið er hálfnað en það er með mesta móti frá því að Skautahöllin var opnum fyrir 25 árum. Fjöldinn allur af skólum og fyrirtækjum leigja allt svellið utan almenningstíma þar að auki og halda þar sín Litlu-jól.

Um síðustu helgi tóku SA Víkingar á móti Skautafélagi Hafnarfjarðar í tveimur fjörugum viðureignum í Skautahöllinni á Akureyri. Á laugardaginn bar SA sigur úr býtum með 5 mörkum gegn 2 en á sunnudaginn þurfi framlenginu til að skera úr um sigurinn eftir að jafnt var á með liðunum, 5-5 eftir venjulegan leiktíma.

SA teflir fram tveimur liðum í U18 deildinni í vetur og um helgina héldu Víkingar suður yfir heiðar í tvíhöfða rimmu við Skautafélag Reykjavíkur. Það er óhætt að segja að rimmurnar hafi verið ólíkar því fyrri leiknum, sem fram fór á föstudaginn, lauk með 5 – 1 sigri gestgjafanna sem jafnframt reyndust þeirra fyrstu stig í vetur. Á laugardeginum var annað uppi á tengingnum og Víkingar búnir að hrista af sér rútuslenið, snéru taflinu við og unnu stórsigur, 12 – 4.

Í gærkvöldi mættust meistaraflokkar SA-Víkinga og Fjölnis í karlaflokki í leik sem hófst strax á eftir viðureign sömu liða í kvennaflokki. Um var að ræða hörkuviðureign sem lauk með sigri okkar manna 5 – 2. Leikurinn var samt jafnari framanaf en tölur gefa til kynna. Fjölnir opnaða markareikninginn í „power play“ um miðbik lotunnar en þar var á ferðinni Vignir Svavarsson eftir undirbúning frá Emil Alengård og Viggó Hlynssyni. Heiðar Jóhannsson jafnaði svo leikinn með glæsilegu marki undir lok lotunnar með stuðningi frá Degi Jónassyni og Andra Sverrissyni.

SA og Fjölnir mættust í meistaraflokki kvenna hér í skautahöllinni á Akureyri í gær. Mikið jafnræði hefur verið með liðunum í ár og leikurinn í gær var engin undantekning. Leikurinn var markalaus fram í 3. lotu en þá náði Fjölnir forystunni með marki frá Kolbrúnu Garðarsdóttur eftir sendingar frá Berglindi Leifsdóttur og Hilmu Bergsdóttur. Skömmu síðar jafnaði svo Amanda Bjarnadóttir leikinn fyrir SA og þannig stóðu leikar að loknum venjulegum leiktíma.

Báðir meistaraflokkarnir okkar taka á móti liðum Fjölnis um helgina í fyrstu heimaleikjum ársins 2025. Hlökkum til að byrja árið á skemmtilegum og spennandi hokkíleikjum Hamborgarasalan hefst 30 mín fyrir leik og forsala miða á Stubb. SA Kvenna Fjö Kl 16:45 SA Karla Fjö Kl. 19:30 Burger fyrir leik og í leikhléi. Ásgarður sjoppan í Skautahöllinni Opin. Forsala Miða kvenna: https://stubb.is/events/b8LQ8b Forsala Miða karla: https://stubb.is/events/oVLOXn