Haustönn Listhlaupadeildar Skautafélags Akureyrar hefst mánudaginn 25. ágúst hjá öllum keppnisflokkum/framhaldshópum (3. og upp úr).

Haustönn byrjendahópa (1. og 2. hóps) byrjar um miðjan september og verður auglýst sérstaklega.

Skráningardagur verður í Skautahöllinni sunnudaginn 24. ágúst milli 13 og 16 fyrir alla iðkendur, gamla og nýja. Frítt verður á svellið fyrir alla og hægt að fá skauta að láni endurgjaldslaust. Við bjóðum nýja iðkendur sérstaklega velkomna. Stjórn Listhlaupadeildar verður á svæðinu og tekur við skráningum og veitir upplýsingar. Hvetjum alla til að mæta!

Föstudaginn 22. ágúst verða birtar flokkaskiptingar 3. flokks og upp úr og einnig ístímatafla vetrarins (með fyrirvara um breytingar).

Hlökkum til að sjá ykkur!

Einsog flestir vita þá er íshokkí ekki bara stunduð á íslandi..ónei. T.d. voru strákarnir í Urartu Yerevan meistarar í Armeníu.

Jammu & Kashmir Blue team voru meistarar í Indlandi og Fangs Kuala Lumpur í Malasíu sem og

Otgon od Ulaanbaatar frá Mongólíu.

Síðasti dagur æfingabúðanna er á morgun. Þessar 4 vikur hafa verið fljótar að líða en allt hefur gengið eins og best verður á kosið. Iðkendur hafa staðið sig vel, bæði verið til fyrirmyndar og sýnt íþróttamannslega framkomu. Fjölmargir sjálfboðaliðar hafa komið að undirbúningi æfingabúðanna, hjálpað í hádegi og einnig keyrt iðkendur á milli afísæfinga og ísæfinga. Við viljum þakka öllum þeim sem hjálpuðu og gerðu okkur kleyft að halda æfingabúðirnar og vonum að allir séu sáttir með afraksturinn!

Fyrsta reglulega æfing í krullu verður mánudaginn 1. september n.k.

Þá er klefinn klár og menn bara nokkuð sáttir við hann. Einnig var klefinn málaður sem og skautarekkar endurnýjaðir. Það voru meistaraflokksmenn sem stóðu að þessum breytingum.

Skautdiskó verður föstudagskvöldið 1. ágúst milli kl. 19:00 - 22:00.

Sunnudaginn 3. ágúst verður opið milli kl. 13:00 og 17:00.