Listhlaupsmót Reykjavíkurleikanna (RIG) fer fram í Skautahöllinni í Laugardal um helgina. Níu keppendur eru skráðir til leiks frá SA.

Þar sem allmargir iðkendur í listhlaupi eru á leið suður til keppni á föstudag ásamt þjálfurum hafa Listhlaupadeild og Hokkídeild komið sér saman um að skipta á dögum, auk þess sem æfingum í listhlaupi fækkar um helgina.

Kjöri íþróttamanns Akureyrar var lýst í Menningarhúsinu Hofi í dag. Okkar maður, Ingvar Þór Jónsson, varð þriðji í kjörinu. Skautafélagið á um þriðjung landsliðsfólks akureyrskra íþróttafélaga og um helming Íslandsmeistara.

Víkingar sigruðu SR-inga í mfl. karla á Íslandsmótinu í íshokkí í kvöld, 4-1. Víkingar eru einu stigi á eftir Birninum eftir 11 leiki.

Íþróttabandalag Akureyrar og Íþróttaráð Akureyrar bjóða bæjarbúum til verðlaunahófs í Hofi miðvikudaginn 22. janúar. Hápunktur hátíðarinnar er þegar kunngjört verður val á íþróttamanni Akureyrar 2013. Jafnframt verða afhentar heiðursviðurkenningar íþróttaráðs og viðurkenningar og/eða styrkir til þeirra íþróttafélaga sem áttu Íslandsmeistara og/eða landsliðsfólk á árinu 2013.

Stjórn Skautafélags Akureyrar hefur valið Ingvar Þór Jónsson íþróttamann félagsins árið 2013. Ingvar verður því einn af þeim sautján sem til greina koma við val á íþróttamanni Akureyrar. Afhending viðurkenninga til íþróttamanns SA og íþróttamanna deildanna verður auglýst síðar.

Í kvöld mætast Víkingar og SR á Íslandsmótinu í íshokkí. Leikurinn fer fram í Skautahöllinni á Akureyri og hefst hefst kl. 19.30.

Skautafélag Akureyrar á þrjá fulltrúa í landsliði Íslands skipuðum leikmönnum 20 ára og yngri sem tekur þátt í HM, II. deild, b-riðli, á Spáni. Liðið hélt út í morgun, fyrsti leikur á laugardag.

Tveir "gamlir" SA-menn, Jón Benedikt Gíslason og Hafþór Andri Sigrúnarson, eru komnir heim og spiluðu fyrir Jötna í kvöld. Jón skoraði þrennu í 7-5 sigri liðsins á Húnum.

Í kvöld, þriðjudagskvöldið 7. janúar, mætast Jötnar og Húnar á Íslandsmótinu í íshokkí í Skautahöllinni á Akureyri. Leikurinn hefst kl. 19.30.