Nú er lokaundirbúningur að hefjast fyrir Ice Cup. Við byrjum að vinna með svellið á sunnudagskvöld og eins og venjulega er að ýmsu öðru að hyggja. Krullufólk er því boðað til vinnu á sunnudags- og mánudagskvöld.

Garpar eru Íslandsmeistarar í krullu 2013 eftir sigur á Skyttunum í úrslitaleik. Mammútar unnu bronsið. Myndir komnar inn.

Næstu viku, frá sunnudagskvöldi til laugardagskvölds, verður Skautahöllin undirlögð vegna undirbúnings og keppni á alþjóðlega Ice Cup krullumótinu. Æfingar annarra deilda hefjast síðan skv. maí æfingatöflunni sunnudaginn 5. maí, en mótið er lokapunktur á krulluvertíðinni.

Laugardaginn 28. og sunnudaginn 29. apríl verður innanfélagsmót hjá 3.-7. flokki og lokahóf hjá 5.-7. flokki. Engar æfingar á sumardaginn fyrsta.

Í kvöld fara fram úrslitaleikir Íslandsmótsins í krullu. Leikirnir hefjast um kl. 20.30.

Um liðna helgi kepptu um 40 krakkar úr 5., 6. Og 7. Flokki SA á Barnamóti SR og stóðu sig með prýði. Framundan er síðasta innanfélagsmót vetrarins, lokahóf og svo Vormótið í maí.

Þeir Andri Freyr Magnússon, Fannar Jens Ragnarsson og Guðmundur Karl Ólafsson kepptu á krullumóti í New Jersey á dögunum.

Tvær ungar og efnilegar hokkístelpur, þær Silvía Rán Björgvinsdóttir og Sunna Björgvinsdóttir, héldu í gær til Svíþjóðar til að spila íshokkí.

Ákveðið hefur verið að Old Boys tíminn á miðvikudagskvöldið 24. apríl falli niður vegna úrslitaleikja á Íslandsmótinu í krullu. Í staðinn geta þeir sem áhuga hafa mætt í hokkí á fimmtudagskvöldið kl. 21.00, en á þeim tíma voru æfingar mfl. karla.