26.03.2014
Fyrir nokkru varð ljóst að fleiri erlend lið koma á Ice Cup krullumótið en nokkru sinni fyrr. Mótið verður það stærsta hingað til. Heimafólk er hvatt til að ganga sem fyrst frá skráningu leikmanna í sín lið - ef það hefur ekki verið gert nú þegar.
26.03.2014
Jötnar eru á suðurleið og mæta Húnum í fyrsta leik úrslitakeppni B-liða í meistaraflokki karla á Íslandsmótinu í íshokkí. Leikurinn verður í Egilshöllinni og hefst kl. 19.30. Annar leikurinn verður á Akureyri á laugardag.
26.03.2014
Íslenska kvennalandsliðið í íshokkí varð að játa sig sigrað í öðrum leik sínum í 2. deild B á Heimsmeistaramótinu sem fram fer í Skautahöllinni í Laugardal þessa dagana. Enn góðir möguleikar á verðlaunasæti.
26.03.2014
Viðgerð á dælumótor Zamboni-hefilsins er ekki lokið. Ljóst er að hann mun ekki komast í lag í dag, miðvikudag.
25.03.2014
Kvennalandsliðið í íshokkí vann fyrsta leik sinn á HM 2. deild B sem fram fór í gær. Mæta Slóvenum í kvöld. Sigmundur Davíð Gunnlaugsson forsætisráðherra mætti á leikinn og varð "Gunnlaugsdóttir" um stund.
25.03.2014
Enn er unnið að viðgerð á dælumótor í Zamboni-ísheflinum. Staðfest er að Zamboni verður ekki klár í slaginn í dag, þriðjudag, og því falla allar æfingar á ís niður í dag. Óvíst er með miðvikudaginn.
24.03.2014
Bilun varð í Zamboni-ísheflinum fyrr í kvöld. Viðgerð stendur yfir. Óvíst er hve langan tíma tekur að koma heflinum aftur í gagnið. Líklegt er að bilunin muni hafa áhrif á æfingar í íshokkí á morgun (þriðjudag). Nýjar upplýsingar verða settar hér inn um leið og málin skýrast.
24.03.2014
Kvennalandsliðið í íshokkí verður á svellinu í Skautahöllinni í Laugardal þessa vikuna þar sem liðið spilar í 2. deild B í Heimsmeistaramótinu. Fyrsti leikurinn er í kvöld. Tvær af hverjum þremur í liðinu eru í SA og þrjár að auki fyrrum leikmenn SA.
23.03.2014
Meistaraflokkur karla í íshokkí hjá Skautafélaginu bryddar upp á skemmtilegri nýjung og nú býðst hópum og fyrirtækjum að spila alvöru íshokkíleik með dómurum, þjálfurum og öllu tilheyrandi.
21.03.2014
Vegna óveðurs og ófærðar hefur Frostmóti listhlaupadeildar SA verið frestað og tilfærslur verða á æfingum U-18 hokkílandsliðsins. Æfingar verða skv. æfingatöflu deildanna á laugardagsmorguninn, en smávægilegar breytingar á sunnudag.