Æfingar fyrir byrjendur hefjast 16. september

14.08.2009

Æfingar fyrir byrjendur og styttra komna - í svokölluðum D hópi hefjast þann 16. september n.k. og eru allir að sjálfsögðu velkomnir á æfingar hjá deildinni. Miðað er við að börn á leikskólaaldri æfi einu sinni í viku bæði á og af ísnum, en grunnskólabörn tvisvar sinnum - drög að tímatöflu haustannar má sjá á tengli hér til vinstri. Þann 16. sep. verður skráningardagur í höllinni.

Aðrir iðkendur í öllum C,B og A flokkum hefja leikinn þann 31. ágúst.

Hlökkum til að sjá ykkur

kær kveðja
Stjórnin

Einkatímar

13.08.2009
Hægt er að fá einkatíma hjá Ivetu, Helgu Margréti og Audrey Freyju meðan á æfingabúðunum stendur. Það er takmarkaður ístími í boði og því mikilvægt að þeir sem áhuga hafa panti tíma sem fyrst. Best er að panta tímana með því að tala við viðkomandi þjálfara beint. Við bendum á að ekki má trufla hóptíma á ís til að panta, best að reyna að hitta á þjálfara meðan heflanatímar eru eða á opnum tímum. Iveta og Helga Margrét bjóða upp á tíma í tækni og prógrammagerð en Audrey Freyja mun bjóða upp á tíma í "choreography" eða listfengi (fínpússa prógröm, bæta inn hreyfingum o.s.frv.). 30 mín hjá Ivetu kosta 2500 kr en 1200 kr. hjá Helgu Margréti og Audrey Freyju. Borga skal áður en tíminn byrjar. Það er hægt að senda Helgu Margréti póst á helgamargretclarke@gmail.com og Audrey Freyju póst á audreyfreyja@gmail.com, auðvelt er að hitta á Ivetu niður í höll :)

Æfingar laugardaginn 8. ágúst

07.08.2009
  • Afís fellur niður á morgun og ekkert um að vera í fundarherbergi vegna fjarveru þjálfara
  • 3. hópur mætir með 2. hóp en 1. og 2. hópur mætir á sínum venjulegu tímum
  • Það er ekki boðið upp á hádegismat á morgun svo allir verða að taka með sér nesti

Æfingabúðir hefjast á morgun þriðjudaginn 4. ágúst!

03.08.2009
Þá er biðin loksins á enda og æfingabúðirnar okkar hefjast á morgun þriðjudaginn 4. ágúst. Allir hópar mæta stundvíslega 08:50 í skautahöllina, finna sinn klefa og hitta Helgu Margréti upp í fundarherbergi kl. 09:00 þar sem farið verður yfir nokkra hluti áður en afísæfing hefst. Hver hópur fær sinn klefa og má geyma skautabúnað og fatnað alla virka daga svo lengi sem allt er sett í tösku og hengt upp á snaga. Það verður að tæma klefana á föstudögum svo hægt sé að þrífa almennilega. Í öllum klefum verða stundatöflur og svo er hægt að nálgast þær hér á heimsíðunni líka. Í 2. viku fá allir afhenta æfingabók sem verður kynnt fyrir iðkendum í fundarherbergistíma mánudaginn 10. ágúst. Minni alla á að mæta í viðeigandi klæðnaði bæði á ís og afís! Að lokum vil ég minna alla á íþróttamannslega hegðun, kurteisi gagnvart öðrum iðkendum, starfsfólki og þjálfurum og vona að allir muni eiga góðan tíma í æfingabúðunum :)

Ekki farið að hjóla á morgun

29.07.2009
Vegna frekar leiðinlegrar veðurspár munum við ekki fara að hjóla á morgun, þess í stað verður afísæfing á hefðbundnum tíma í skautahöllinni. Æfingin verður með öðru sniði en venjulega, við gerum eitthvað skemmtilegt :)

Foreldrafundur varðandi sumaræfingabúðir 2009

24.07.2009
Stuttur foreldrafundur vegna æfingabúða 2009 verður þriðjudaginn 28. júlí kl. 18-19 í fundarherbergi skautahallarinnar. Vonumst til að sjá sem flesta!

Afísæfingar vikuna 27. -31. júlí

24.07.2009
Hér er plan yfir næstu viku, vikuna 27. - 31. júlí. Athugið að kíkja vel yfir þetta plan!!

Drög að tímatöflu haustannar 2009 og nýtt fyrirkomulag hópaskiptinga

21.07.2009
Nú eru komin drög að tímatöflu haustannar 2009 og einnig upplýsingar varðandi nýtt fyrirkomulag hópaskiptinga. Hóparnir fá ný nöfn og við munum bjóða upp á sýningarhóp sem er nýjung. Hvetjum alla til að kynna sér þetta (allt í valmyndinni til vinstri). Að öllum líkindum verða einhverjar breytingar og biðjum við fólk að hafa það í huga. Hópaskiptingarnar sjálfar verða ekki birtar fyrr en um miðjan ágúst, engar upplýsingar verða gefnar upp fyrr en þá.

Nánari upplýsingar vegna sumarbúða LSA 2009

21.07.2009
Komnar eru inn nánari upplýsingar um æfingabúðir LSA sem hefjast 4. ágúst í valmyndinni til vinstri undir "Sumaræfingarbúðir LSA 2009". Drög að hópaskiptingum, ítarleg tímatafla og tékklisti er komið þar inn og munu frekari uppýsingar bætast þar inn jafnt og þétt, s.s. matseðill, upplýsingar fyrir iðkendur og foreldra og annað.

Skiptimarkaður LSA

21.07.2009
Þá fer senn að líða að því að næsta skautatímabil hefjist hjá okkur. Það er mjög mikilvægt að allir fari að kanna hvort þeir þurfi nýja skauta, kjóla og annað fyrir næsta vetur. Eins og allir vita þá hafa skautar og blöð hækkað gífurlega í verði í ljósi aðstæðna í þjóðfélaginu og því setjum við nú inn skiptimarkað inn á heimasíðuna til að aðstoða fólk við að selja eða auglýsa eftir skautavörum af ýmsu tagi. Skiptimarkaðinn má finna í valmyndinni neðst til vinstri eða með því að ýta HÉR. Við biðjum fólk um að senda upplýsingar á skautar@gmail.com (nánari upplýsingar á síðunni um skiptimarkað) og ekki gleyma að láta vita ef taka má auglýsingu út! Vonumst til þess að þetta geti hjálpað :)
21 22 23 24 25 26 27 28 29 30