Breytt tímatafla Goðamótsins
09.04.2010
Tímataflan hefur tekið nokkrum breytingum vegna forfalla keppenda og má sjá lokalista hér með.
Karfan er tóm.
Ice Cup: Sextán lið skráð, sjálfboðaliðar óskast til starfa
08.04.2010
Sjálfboðaliðar óskast í undirbúning og framkvæmd Ice Cup, meðal annars í sjoppuna í Skautahöllinni og fleiri störf. Sextán lið hafa verið skráð til leiks og hefur verið lokað fyrir skráningu.
Nánar um Ostrava
08.04.2010
Hér má sjá nánari upplýsingar um æfingabúðirnar í Ostrava. Svara þarf fyrir 15.apríl, á netfangið hildajana@gmail.com, hvort að fólk hyggist ætla í ferðina og þá verður leitað tilboða í flug og það verður síðan til lokakynningar í kjölfarið og þá verða greidd staðfestingargjöld.
Leikur í dag kl. 11:00
08.04.2010
Í dag kl. 11:00 mætast í Skautahöllinni á Akureyri, íslenska kvennalandsliðið og breska félagsliðið Slough Phantoms. Leikurinn er liður í íshokkímótinu NIAC sem fram fer í höllinni um þessar mundir.
Hallarbylting í WCF, varaforsetinn felldi forsetann
07.04.2010
Ársfundur Alþjóða krullusambandsins, WCF, sem haldinn er í Cortina d'Ampezzo á Ítalíu í tengslum við Heimsmeistaramót karla í krullu, fer á spjöld sögunnar. Varaformaðurinn felldi formanninn í kosningu, fyrsta konan orðin forseti WCF.
Goðamótið: Búið er að draga í keppnisröð
07.04.2010
Búið er að draga í keppnisröð á Goðamótinu sem fram fer um helgina. Sjá nánar hér:
Phantons sterkar á svellinu
07.04.2010
Nú er þremur leikjum á NIAC lokið. Síðustu tveir leikir hafa verið á milli blárra og hvítra gegn hinum bresku í Slough Phantoms. Það er skemmst frá því að segja að þær bresku eru gríðarlega sterkar og unnu þær nokkuð auðvelda sigra á okkar stúlkum en fyrri viðureignin sem var gegn Bláum fór 12 - 1 og sá seinni sem var gegn Hvítum fór 11 - 1.
Goðamótið
06.04.2010
Undir lesa meira má sjá þá sem skráðir eru til keppni á Goðamótið um næstu helgi, vinsamlegast lítið yfir listann og athugið hvort að hann passi ekki örugglega. Ef einhvern vantar á hann, vinsamlegast hafið samband við didda@samvirkni.is
Generalprufa fyrir Basic test/grunnpróf ÍSS
06.04.2010
Generalprufa verður fyrir þá iðkendur sem skráðir eru í Basic test/grunnpróf ÍSS núna í vor mánudaginn 12. apríl og þriðjudagsmorguninn 13. apríl. Lesið töfluna vel yfir því iðkendum hefur verið skipt niður í litla hópa eftir því í hvaða próf þeir fara. Allir iðkendur fá tíma í generalprufu í basic hluta (áttur) og einnig æfingaís til að æfa free test element (prógrammahluta). Ef eitthvað er óljóst má hafa samband við Helgu Margréti þjálfara í gegnum tölvupóst eða á æfingu á miðvikudaginn næsta 7. apríl. Þeir iðkendur sem ekki fara í próf núna í vor eru ekki á listanum en ef þeir hafa áhuga á að koma og æfa sig þennan dag hafið þá samband við Helgu Margréti.
Fyrsta leik í NIAC lokið með sigri Hvítra
05.04.2010
NIAC mótið hófst í dag á leik Hvítra og Blárra og voru það þær fyrrnefndu sem báru sigur af hólmi með tveimur mörkum gegn einu. Liðin eru mjög jöfn að styrkleika og eftir fyrsta leikhluta var enn markalaust jafntefli. Í 2. lotu voru það hvítir sem skoruðu eina markið en þar var á ferðinni Flosrún Vaka sem skoraði af öryggi framhjá Margréti Vilhjálmsdóttur í marki Blárra.