HM karla í krullu hefst laugardaginn 4 apríl.
03.04.2009
Mótið sem haldið er í Moncton, New Brunswick í Kanada stendur yfir frá 4. til 12. apríl.
Karfan er tóm.
Vorsýning LSA 2009
02.04.2009
Nú eru hafnar æfingar fyrir vorsýningu LSA sem haldin verður sunnudaginn 26. apríl. Mjög mikilvægt er að iðkendur mæti áfram vel á æfingar svo sýningin verði sem glæsilegust!
Iðkendur sem fara í Grunnpróf ÍSS í vor!
02.04.2009
Þeim iðkendum sem stefna að því að taka grunnpróf ÍSS í vor er boðinn aukaístími til að æfa fyrri hluta grunnprófsins (sporaæfingarnar). Í boði verður að mæta á ístíma 3. eða 4. hóps þegar hentar á virkum dögum. Settar verða keilur utan um einn rauðan hring í horninu sem iðkendur geta nýtt til að æfa sporin. Endilega nýtið ykkur þennan tíma til að fínpússa :)
Leikir í kvennaflokki um helgina
01.04.2009
Á föstudagskvöldið kl.22,00 mætir kvennalið Bjarnarins í Skautahöllina hér á Akureyri til leiks gegn SA í fyrri leik helgarinnar og svo er seinni leikurinn á laugardaginn kl.18,00. SA leiðir keppnina með 15 stigum gegn 9 svo Birnurnar þurfa að vinna báða leikina til að eiga möguleika á titlinum en markahlutfall beggja liða er 0 samkvæmt IHI vefnum. En það þýðir að bæði lið hafa skorað jafnt, þ.e. 25 mörk og þarafleiðandi líka fengið á sig 25. Ótrúleg staða, eða hvað (O; ÁFRAM SA ..........
Morgunæfing í fyrramálið!
01.04.2009
Það er morgunæfing í fyrramálið, síðasta morgunæfingin fyrir páska! Þeir sem skulu mæta eru allir þeir sem eru að fara í basic test (grunnpróf ÍSS) núna í vor. En það eru: Arney Líf, Sara Júlía, Hulda Dröfn, Hildur Emelía, Emilía Rós, Berghildur Þóra, Heba Þórhildur, Lóa Aðalheiður, Guðrún B., Hrafnhildur Ósk, Hrafnkatla og Hrafnhildur Lára. Allir aðrir sem áhuga hafa úr 5.-7. hóp eru að sjálfsögðu líka velkomnir. Farið verður yfir basic test fyrri hluta æfingarinnar og svo yfir þau element sem þarf að framkvæma í prófinu í frjálsa hlutanum. Við hitum upp með Annie's Edges :)