Námskeið um nýja dómarakerfið

Komin er nákvæm tímasetning á fyrirlestrinum og námskeiðinu um nýja dómarakerfið! Fyrirlesturinn um nýja dómarakerfið fyrir foreldra, iðkendur og aðra áhugasama verður milli 11 og 12 laugardaginn 9. desember og strax á eftir milli 12 og 13 verður smá kennsla fyrir iðkendur þar sem farið verður yfir hvernig hægt sé að auka við stigafjölda í prógrömmum. Helga Margrét mun halda fyrirlesturinn og er hún tæknidómari hjá ÍSS. Daginn eftir verður námskeið fyrir tilvonandi dómara og þá sem áhuga hafa á því að læra á dómarakerfið, hvernig það er sett upp og hvernig það er notað til að dæma. Við leitum eftir áhugasömu fólki til að koma og kynna sér þetta, því til að geta haldið stórmót á Akureyri þurfum við góðan og traustan hóp af fólki til að aðstoða við uppsetningu og notkun dómarakerfisins. Þetta námskeið verður sunnudagsmorguninn 10. desember milli 9 og 11 og þar munu þær Mimmi Viitanen, Elísabet Eyjólfsdóttir og Sigrún Mogensen fara yfir og kenna fólki á notkun og uppsetningu. Milli 11 og 13 verður Jólamót SA haldið. Við munum prófa kerfið á því móti og dómaraefnin fá að æfa sig á kerfinu og kynnast því að dæma í keppni. VIð hvetjum alla sem áhuga hafa til að koma og nýta sér þetta tækifæri! Tímatafla er undir "lesa meira".

U20 ára landslið Íslands heldur utan um næstu helgi til keppni í 2. deild heimsmeistaramóts Alþjóða Íshokkísambandsins. 

Risport listskautar RF3 Super til sölu með Professional freestyle blöðum Hvítir að lit (ekkert rispaðir) ATH: Ónotaðir Vinsamlegast hafið samband í síma 695-3330 eða á mail rakeljo@hotmail.com

Foreldrar og iðkendur í M – 5 – 4  og U hóp

 Áríðandi fundur með Hönnu á fimmtudagskvöldið 7/12 kl: 19:30 í Skautahöllinni.

Stjórn Listhlaupadeildar

Næsta fimmtudag kemur Ian skerpingamaður til landsins til að skerpa skautana fyrir iðkendur í 3, 4, 5, M og U flokki. Hann mun hefja skerpingar á fimmtudagsmorgun og eru þeir iðkendur sem fara á æfingu þann morguninn beðnir um að skilja skautana sína eftir upp á bekkjunum inn í klefa 3. Best er að merkja skautana, t.d. með því að setja miða inn í hvorn skauta til að fyrirbyggja rugling! Aðrir sem ekki fara á æfingu á fimmtudaginn eru samt sem áður vinsamlegast beðnir um að koma skautunum inn í skautahöll helst í síðasta lagi fyrir hádegi á fimmtudaginn. Ef það er ómögulegt fyrir einhverja þá í allra síðasta lagi seinnipart fimmtudags, þar sem Ian fer heim aftur á föstudag.

Á laugardaginn næsta, 9. desember verður iðkendum (í öllum flokkum), foreldrum og öðrum sem áhuga hafa boðið á kynningu þar sem fjallað verður í grófum dráttum um nýja dómarakerfið. Fyrirlesari er Helga Margrét. Þetta verður um 45-60 mínútna kynning sem mun hjálpa öllum að skilja út á hvað dómarakerfið gengur. Þetta er tilvalið tækifæri fyrir foreldra sérstaklega til að fá betri innsýn inn í hvernig keppnir eru dæmdar. Eftir kynninguna verður stuttur fyrirlestur fyrir iðkendur þar sem farið verður ítarlegar í gegnum dómarakerfið og iðkendum kennt hvernig hægt er að hækka stigin fyrir dansana sína. Allir iðendur fá bréf heim á miðvikudaginn þar sem nákvæm tímasetning verður. Daginn eftir, sunnudaginn 10. desember verða Mimmi Viitanen, Elísabet Eyjólfsdóttir og Sigrún Mogensen með kennlsu fyrir tilvonandi dómara og tæknifólk og eru allir velkomnir þá líka. Allar upplýsingar verða á blaðinu sem iðkendurnir fá. Við vonum að sem flestir notfæri sér þetta tækifæri til að kynnast dómarakerfinu og við viljum benda á að ALLIR eru velkomnir!

Í gærkvöldi mættust SA og Björninn í kvennaflokki. 

Í gærkvöldið tókum við SA menn á móti Bjarnarmönnum hér í Skautahöllinni á Akureyri og var þetta síðasti leikur okkar fyrir jólafrí.

SA stelpur lögðu Bjarnarstelpur 10 - 2     Áfram SA stelpur