Vorsýning sem auglýst er 19. apríl verður frestað fram í maí og Akureyrarmótinu sem vera átti 15. apríl verður frestað um viku. Áætlað 21. apríl.  Þetta er gert vegna óviðráðanlegra orsaka. Fylgist endilega með á heimasíðu um þessa viðburði.

Nú dregur til tíðinda. Á föstudaginn kl.20,00 og Laugardaginn kl.18,00 spila mfl. SA og SR um heimaleikjaréttinn í úrslitakeppninni.

Stefnt er að því að halda æfingabúðir í Egilshöll 15. júlí, í 2 vikur. Við erum að bíða eftir nánari upplýsingum og verðum með fund um þetta eins fljótt og hægt er til að kanna áhuga á þessu. Það er hægt að nálgast upplýsingar um þetta á heimasíðu SR.

Æfing á morgun þriðjudaginn 10. apríl hjá AB frá 11-12 og CDE frá 12-13...látið þetta berast til allra! Svo eru æfingar samkv. tímatöflu frá og með miðvikudeginum 11. apríl.

Senn fer löngu hléi á deildinni að ljúka nú þegar landsliðið snýr aftur heim eftir átökin í Kóreu.  Tveir leikir eru eftir í undankeppninni og munu þeir leikir skera úr um það hvort liðið, SA eða SR tryggir sér heimaleikjaréttinn í úrslitakeppninni.  Það má reikna okkur SA mönnum í hag að leikirnir báðir fara fram hér á Akureyri næst komandi föstudag og laugardag.  Okkur dugar ekkert minna en sigur í báðum leikjum til að krækja í sigurinn í deildinni og á það stefnum við ótrauðir.

Var að setja inn fullt af myndum frá barnamótum, meira á leiðinni.

Á laugardaginn 7. apríl áttu að vera skv. dagskrá leikur í mfl. kvenna, en honum hefur verið frestað til föstudagsins 20. apríl kl.22,00 og einnig átti að vera leikur i 2.flokki SA-Björninn, en Bjarnarmenn hafa tilkynnt að þeir geti ekki mætt og hafa gefið leikinn.

Um liðna helgi fóru yngstu hópar SA Fylktu liði til Reykjavíkur í Egilshöll í boði Bjarnarins á þriðja og síðasta barnamót vetrarins.