Íslenska U18 landslið kvenna í íshokkí tekur þátt í 4 Nations móti í Poznan í Póllandi nú yfir helgina. Mótið er alþjóðlegt æfingamót en auk Íslands eru þáttökuþjóðir Spánn, Bretland og Póland og er þetta í þriðja sinn sem liðið tekur þátt í þessu sterka móti. Ísland mætir heimaliðinu Póllandi í dag en leikurinn hefst kl. 15.00 á íslenskum tíma en öllum leikjunum verður streymt í gegnum facebook síðu Poznan hockey. Við eigum 13 fulltrúa í liðinu að þessu sinni sem við fylgjum stolt með og sendum hlýja strauma til liðsins alla leið til Póllands. Áfram Ísland!

Fyrirlesturinn Hið ósýnilega afl verður þann 17. nóvember kl. 17:30 í Háskólanum. Fyrirlesturinn er fyrir íþróttaiðkendur 12 ára og eldri, foreldra, þjálfara, stjórnendur og aðra áhugasama.

SA Víkingar taka á móti SR í toppslag Hertz-deild karla á laugardag í Skautahöllinni á Akureyri. SA Víkingar eru eftstir í deildinni með 9 stig en SR er í öðru sæti með 8 stig. Leikurinn hefst kl. 16:45 á laugardag en miðaverð er 1000 kr. og frítt inn fyrir 16 ára og yngri. Forsala miða er hafin í miðasöluappinu Stubb.

SA Víkingar svöruðu tapinu um síðustu helgi með öðrum stórsigri á heimavelli þegar liðið lagið toppliði SR 6-1 í Hertz-deild karla í Skautahöllinni á Akureyri í kvöld. SA Víkingar voru með 39 skot á mark í leiknum á móti 34 skotum SR. Matthías Már Stefánsson var markahæstur SA Víkinga í kvöld með tvö mörk og Jakob Jóhannesson var með 97% markvörslu í markinu. SA Víkingar lyfta sér upp í 2. sæti Hertz-deildarinnar með sigrinum.

Listhlaupadeild Skautafélags Akureyrar kynnir nýtt námskeið í skautahlaupi. Námskeiðið hefst 26. október og stendur í 5 vikur en tímarnir verða á miðvikudögum kl. 20.20-21.05. Það er frítt að prufa þann 26. en verð fyrir allt námskeiðið er 7.500 kr. Allur búnaður er á staðnum en æskilegur klæðnaður eru íþróttaföt, vettlingar og húfa/buff undir hjálminn. Skráning og upplýsingar sendast á formadur@listhlaup.is

SA Víkingar taka á móti SR í Hertz-deild karla á laugardag á heimavelli í Skautahöllinni á Akureyri. Liðin mætust í Laugardal um síðustu helgi í hörku hokkíleik þar sem SR hafði betur en SA Víkingar ætla sér að jafna metin um helgina. Leikurinn hefst kl. 16:45 á laugardag en miðaverð er 1000 kr. og frítt inn fyrir 16 ára og yngri. Forsala miða er hafin í miðasöluappinu Stubb.

SA Víkingar unnu virkilega sannfærandi sigur með góðri frammistöðu í opnunarleik tímabilsins í Hertz-deild karla. SA Víkingar snéru heim úr Evrópukeppninni á mánudag en það var hvergi Evrópuþreytu að sjá í leik SA Víkinga sem skoruðu 7 mörk áður en Fjölnismenn náðu að svara með einu marki undir lok leiksins. SA Víkingar voru með 44 skot í leiknum á móti 23 skotum Fjölnis og Róbert Steingrímsson varði 22 skot í marki Víkinga sem er 95,7 % markvarsla. Frabær byrjun á tímabilinu hjá Víkingum en næst eiga Víkinga leik í Laugardal um næstu helgi þegar liðið sækir SR heim.

Haustmót ÍSS 2022 fór fram í Skautahöllinni í Laugardal helgina 30. sept - 2. okt. LSA átti 7 keppendur á mótinu og þrátt fyrir aðeins 3 vikna undirbúning, eftir sumarlokun hallarinnar fyrir norðan, stóðu stelpurnar okkar sig frábærlega.

SA Víkingar hefja leik í Hertz-deild karla á laugardag þegar liðið tekur á móti Fjölni í Skautahöllinni á Akureyri. SA Víkingar komu heim úr Evrópukeppni á mánudag og koma á fljúgandi ferð inn í deildarkeppnina en Fjölnir hefur spilað tvo leiki í deildinni og tapaði þeim síðasta í vítakeppni gegn SR. Leikurinn hefst kl. 17:00 á laugardag en miðaverð er 1000 kr. og frítt inn fyrir 16 ára og yngri.

SA Víkingar enda í 3. sæti A-riðils fyrstu umferðar Continental Cup en það má teljast góður árangur og drengirnir geta gengið stoltir frá borði. Tartu Valk var aðeins of stór biti fyrir Víkinga í þriðja og síðasta leik keppninnar en Víkingar náðu ekki að halda nægilega lengi út en Eistarnir áttu greinilega meira á tanknum þegar leið á leikinn og vinna 8-0. SA Víkingar voru með 25 skot í leiknum á móti 30 skotum Eistanna og Ingvar Þór Jónsson var maður leiksins hjá Víkingum í kvöld.