Byrjendaæfingar í listhaupi og íshokkí fyrir 4 ára og eldri eru nú í fullum gangi. Listhlaupaæfingar eru mánudaga og miðvikudaga kl. 16:30-17:15 og íshokkíæfingar þriðjudaga og fimmtudaga kl. 17:00-17:45 og frítt að prufa í tvær vikur.

Júlía Rós Viðarsdóttir bætti besta árangur Íslendinga á Junior Grand Prix í Courchevel í Frakklandi nú á föstudag þegar hún náði 111,54 stig og náði 16. sæti. Hún átti góðan dag og skautaði fallegt prógramm, endaði með 72,19 stig fyrir free prógrammið og lenti þar í 13. sæti og samtals eftir bæði prógrömm fékk hún 111,54 stig.

Frítt 4 daga byrjendanámskeið í Lishtlaupi og Íshokkí fyrir 4 ára og eldri verður haldið daganna 16.-19 ágúst. Allur búnaður er innifalinn og engin reynsla á skautum er nauðsynleg. Listhlaupa æfingarnar eru kl. 17:00-17:45 og íshokkí 17:45-18:30.

Uppskeruhátíð Hokkídeildar SA fór fram fyrir helgi þar sem tímabilið 2020/2021 var gert upp en það fer heldur betur í sögubækurnar sem eitt það allra besta hjá félaginu. Uppskera tímabilsins voru allir titlar sem í boði voru; Íslandsmeistaratitlar í meistaraflokkum karla og kvenna, U18, U16, U14 a- og b-liða ásamt báðum deildarmeistaratitlunum í meistaraflokkunum. Afrekið er algjörlega einstakt og allir leikmenn liðanna sem unnu titlana eru uppaldir í félaginu sem og Rúnar Freyr Rúnarsson aðalþjálfari liðanna.

Vorsýning listhlaupadeildar verður haldin á sunnudag kl. 13:00. Þema sýningarinnar í ár er Gullmolar úr Fortíðinni. Láttu ekki þessa frábæru sýningu fram hjá þér fara, sjón er sögu ríkari.

SA varð um helgina Íslandsmeistari U14 A- og B- liða þegar liðin tryggðu sér bæði sigur í síðasta helgarmóti tímabilsins sem fram fór í Skautahöllinni á Akureyri. Bæði lið unnu mótin sín með fullt hús stiga eða 27 stig úr 9 leikjum. Við óskum þeim öllum til hamingju með Íslandsmeistaratitlana.

Sami Lehtinen hefur verið ráðinn til hokkídeildar SA til ársins 2022 og tekur aftur við stöðu yfirþjálfara og þróunarstjóra hjá félaginu. Sami sem var yfirþjálfari hjá félaginu tímabilið 2019/2020 var aðstoðarþjálfari hjá HIFK í Finnlandi í vetur sem vann bronsverðlaun í finnsku úrvalssdeildinni nú á dögunum.

SA U18 vann báða leiki sína gegn SR um helgina og tryggði sér þannig Íslandsmeistaratitilinn í U18. Leikirnir voru æsispennandi en unnust báðir að lokum með tveimur mörkum, 4-2 á föstudag og 5-3 á laugardag. SA liðið náði því 21 stigi en SR var í öðru sæti með 12 stig. Glæsilegur árangur hjá frábæru þessum flotta hópi. Við óskum þeim öllum til hamingju með Íslandsmeistaratitilinn.

Skautafélag Akureyrar og allar deildir innan þess fengu afhent viðurkenningarskjöl vegna endurnýjun fyrirmyndarfélags ÍSÍ á aðalfundi félagsins sem fór fram síðastliðinn miðvikudag. Formaður Skautafélagsins ásamt formönnum og fulltrúum deilda tóku á móti skjölunum á úr hendi Viðars Sigurjónssonar umsjónarmanni verkefnisins.

Skauta- og íshokkí leikjanámskeið SA fyrir 6-10 ára verður haldið daganna 9-18 júní. Frábært tækifæri fyrir bæði byrjendur sem og iðkenndur til þess að skemta sér í leikjum og fá skautakennslu í leiðinni.