Ef þú vilt styrkja listhlaupadeildina v/ skautaæfingabúða í sumar og kaupa af okkur WC pappír og/ eða eldhúsrúllur þá endilega hafðu samband við mig og líka ef þú vilt selja pappír.

Þið sem að hafið verið að selja ekki ná í pappír nema tala við mig áður. 

Allý - allyha@simnet.is / 8955804--- ath. ég svara ekki síma milli kl. 13 - 16:30 :)

Á morgun hefst heimsmeistaramót U18 í 3. deild í Mexíkó og íslenska landsliðið lagði af stað í þetta langa ferðalag í fyrradag.  Keppnin sjálf fer fram í höfuðborginni Mexíkóborg sem er ein stærsta borg í heimi.  Mótherjar Íslands að þessu sinni eru þjóðir sem við erum kunnugir en það eru Írland, Ísrael, S-Afríka auk gestgjafanna sjálfra Mexíkóa.  Karlalandsliði hefur lagt öll þessi lið að velli og yngri landsliðin einnig.  Ef liðið spilar vel á það mjög góða möguleika á þessu móti, verðlaunasæti er lágmarkskrafan og gullið draumurinn.

Þó mótið hefjist á morgun hefst keppni ekki hjá íslenska liðinu fyrr en þann 14. eða á öðrum degi keppninnar og fyrsti leikurinn verður gegn Ísrael.  Leikir íslenska liðsins eru annars sem hér segir;

Í dag lauk Vinamóti SA í skautahöllinni á Akureyri, keppt var á laugardegi og sunnudegi og eru úrslitin eftirfarandi;

8 ára og yngri C:

Glódís Ylja Hilmarsdóttir hreppti gullið, Ragna Baldursdóttir fékk silfur og Alda Guðný Pálsdóttir vann sér inn brons allar koma þær frá Skautafélaginu Birninum.

Einnig eru veitt heiðursverðlaun dómara í þessum flokki og þau fengu Birgitta Rún Steingrímsdóttir frá Skautafélagi Akureyrar fyrir Grunnskautun, Hildur Hilmarsdóttir frá Skautafélaginu Birninum fyrir Framkvæmd og túlkun og Tanja Guðlaugsdóttir frá Skautafélaginu Birninum fyrir stökk.

10 ára og yngri C:

Ingibjörg Elísa Jónatansdóttir frá Skautafélagi Reykjavíkur hlaut fyrsta sæti, Birta Karen Tryggvadóttir frá Skautafélaginu Birninum hlaut annað sætið og Helga Lena Garðarsdóttir frá Skautafélagi Reykjavíkur lenti í því þriðja.

Einnig eru veitt heiðursverðlaun dómara í þessum hóp líkt og í 8 ára og yngri C og þau hrepptu, Þórunn Glódís Gunnarsdóttir frá Skautafélagi Birninum fyrir Píróettur, Hulda Berdsen Ingvadóttir frá Skautafélagi Birninum fyrir Framkvæmd og túlkun, María Agnesardóttir frá Skautafélagi Birninum fyrir stökk og Þórhalla Sigurðardóttir frá Skautafélagi Reykjavíkur fyrir Tengingar.

12 ára og yngri C:

Selma Farajsdóttir Shwaiki frá Skautafélagi Reykjavíkur hlaut gullið, Harpa Lind Hjálmarsdóttir frá Skautafélagi Akureyrar hreppti annað sæti og Alda María Helgadóttir frá skautafélagi Reykjavíkur fékk bronsið.

Novice C:

Daníela Jóna Gísladóttir frá Skautafélagi Akureyrar hlaut gullið, Margrét Guðbrandsdóttir frá Skautafélagi Akureyrar hlaut silfrið og Soffía Gunnarsdóttir frá Skautafélagi Reykjavíkur fékk brons.

Junior C:

Úndína Ósk Gísladóttir frá Skatafélaginu Birninum lenti í fyrsta sæti, Halldóra Hlíf Hjaltadóttir frá Skautafélagi Akureyrar lenti í öðru sæti og Hulda Líf Harðardóttir frá Skautafélagi Reykjavíkur lenti í því þriðja.

Senior C:

Elísabet Soffía Bender frá Skautafélaginu Birninum hreppti gullið og Berglind Grímsdóttir hlaut Silfrið.

viljum við þakka öllum keppendum fyrir frábæran árangur og skemmtilegt mót.

Það var mikið um að vera hér í Skautahöllinni um helgina og hver klukkustund þaul skipulögð frá 7 á morgnanna til 12 á kvöldin og jafnvel lengur.  Frá fimmtudegi til laugardagskvölds fór fram Minningarmót um Magnús Finnsson en á því móti keppa „heldri“ íshokkíleikmenn frá SA, SR og Birninum.  Fjögur lið tóku þátt og leikirnir voru fjölmargir og m.a. var spilað fram til kl. 01:00 aðfararnótt laugardag. 

Á laugardaginn fór svo fram fyrsti leikurinn í úrslitakeppni kvenna í íshokkí en þar takast á okkar stelpur og Björninn og var leikurinn vel sóttur af áhorfendum sem fylgdust með okkar liði bera sigur úr býtum 3 – 0.

Frá laugardegi til sunnudags fór svo fram Vinamót c-keppenda á vegum Listhlaupadeildar með stuðningi frá Slippstöðinni.  Alls tóku 85 keppendur þátt en mótið fór fram fyrir hádegi bæði á laugardag og sunnudag og heppnaðist í alla staði mjög vel.

Rétt í þessu var að ljúka hér í Skautahöllinni á Akureyri fyrsta leik í úrslitakeppni Íslandsmóts kvenna.  Það voru okkur stelpur í SA-Valkyrjum sem báru sigur úr býtum með þremur mörkum gegn engu.   Leikurinn fór rólega af stað og fyrsta lota varð markalaus.  Það var ekki fyrr enn seint í 2. lotu sem fyrsta mark leiksins leit dagsins ljós en það var varnarmaðurinn Hrund Thorlacius sem fór „coast to coast“ og sett´an í skeytin fram hjá Karítas úr þröngu skotfæri.

Helgina 12. - 13. mars fer fram Vinamót LSA og Slippsins í Skautahöllinni á Akureyri. Vinamótið er keppni C keppenda og er það ætíð vel sótt og er það eins í ár.  85 C keppendur úr öllum aldurshópum  frá Skautafélagi Akureyrar, Skautafélagi Reykjavíkur og Birninum munu etja kappi og sýna hæfni sína á svellinu. Því má víst telja að mikið fjör verði í Skautahöllinni á laugardags- og sunnudagsmorgun.

Á morgun hefst úrslitakeppnin í Íslandsmóti kvenna með fyrsta leik SA og Bjarnarins.  Líkt og kunnugt er tefldi SA fram tveimur liðum í Íslandsmótinu
þ.e. Ynjum og Valkyrjum.  Valkyrjur urðu deildarmeistarar og Ynjur urðu íþriðja sæti en liðin munu nú sameinast í úrslitum.

Úrslitakeppnin verður lengri nú en hún hefur verið áður því hingað til hefur lið aðeins þurft að vinna tvö leiki til að tryggja sér titilinn, en að þessu sinni verður keppnin með sama sniði og hjá körlunum.  Lið þarf því að vinna þrjá leiki og spilað verður annan hvern dag þar til yfir lýkur.  Eins og áður sagði hefst keppnin hér á Akureyri á morgun kl. 16:00 sem verður að teljast afbragðs góður leiktími fyrir fyrsta leik.