Æfingagjöld LSA veturinn 2016/2017 eru komin inn. Gjaldskráin er birt með fyrirvara um breytingar og búið að opna fyrir skráningar í Nóra.

Sambandið hefur gefið út verð á keppnisgjöldum á Sambandsmótum vetrarins, að Rigginu undanskildu.

Skautasamband Íslands hefur uppfært keppnisreglur fyrir skautaárið 2016/2017 og birt á heimasíðunni.

Helgina 2.-4. september næstkomandi heldur ÍSS dómaranámskeið. Nánari upplýsingar um námskeiðið og skráningar er að fá á netfanginu skautasamband@skautasamband.is. Hvetjum alla sem áhuga hafa til að kynna sér þetta frekar.

Þessa daganna stendur yfir lokafrágangur í framkvæmdum sem staðið hafa yfir í Skautahöllinni frá því í byrjun mars. Nýja kæliplatan er klár og byrjað verður á að setja upp nýjann ramma á morgun. Hvað framhaldið varðar eru margir óvissuþættir og margt ógert og þar af leiðandi erfitt að setja nákvæma dagsetningu á ís en stefnan er sett á byrjun september. En hvað sem því líður þá er það stutt í byrjun tímabilsins að Skautafélagsfólk getur klárlega farið að setja sig í stellingar og farið að venja komur sínar aftur á svæðið og hjálpað til ef því er að skipta.