Það verður toppslagur í Hertz-deild karla á laugardag þegar SA Víkingar taka á móti Skautafélagi Reykjavíkur í Skautahöllinni Akureyri kl: 16:45. Bæði lið hafa unnið 2 leiki í deildinni og verður því hart barist um toppsætið. Miðaverð er 1000 kr. og frítt fyrir 16 ára og yngri. Forsala miða fer fram í gegnum miðasölu appið Stubb.

SA Víkingar eru dottnir úr keppni í Continental Cup eftir 6-12 ósigur í dag gegn heimaliðinu Hockey Punks Vilnius. Leikurinn var mikill rússíbani og mörkin komu á færibandi en Andri Mikaelsson skorað 3 mörk Víkinga í dag en Jóhann Leifsson, Ævar Arngrímsson og Gunnar Arason skoruðu hin 3 mörkin. SA Víkingar fara því ekki lengra í keppninni en þeir töpðuðu 1-6 gegn Eistnesku meisturunum í Tartu Valk í gærkvöld þar sem Jóhann Leifsson skoraði eina mark Víkinga.

Aldís Kara Bergsdóttir lauk keppni í dag á Nebelhorn Trophy sem fram fer í Oberstdorf í Þýskalandi. Mótið á sér langa sögu og dregur árlega að sér marga þá fremstu í íþróttinni ásamt því að dómarar og tæknisérfræðingar/-stjórnendur mæta þangað til þess að endurnýja réttindi sín hjá Alþjóða skautasambandinu (ISU). Þetta ár voru margir keppendur skráði til leiks í öllum greinum þar sem að um er að ræða síðasta mótið þar sem hægt er að vinna sér inn keppnisrétt á Ólympíuleikunum 2022.

SA Víkingar eru nú lagðir af stað til Vilníus í Litháen þar sem liðið mun taka þátt í fyrstu umferð Continental Cup. Í riðlinum ásamt SA Víkingur eru Litháensku meistararnir Hockey Punks Vilníus og Eistnesku meistararnir Tartu Valk 494. Þessi lið mætast í dag en SA Víkingar hefja leik á morgun laugardag kl. 14.00 á íslenskum tíma þegar liðið mætir Tartu Valk 494 og svo á sama tíma á sunnudag gegn heimaliðinu Hockey Punks en leikið er í Pramogu Arena í Vilníus sem tekur um 2500 manns í sæti.

Aldís Kara Bergsdóttir var mjög nálægt sínu besta í undankeppni Ólympíuleikanna í gær þegar hún fékk 39.92 stig fyrir stutta prógramið sitt og er í 31. sæti sem stendur. Aldís er fyrsti íslenski skautarinn til þess að taka þátt í undankeppni Ólympíuleikanna an margir af bestu skauturum heims eru á mótinu eins og t.d Alysa Liu frá Bandaríkjunum sem nú situr í efsta sæti en hún varð Bandarískur meistari bæði 2019 og 2020.

SA tekur á móti SR í Hertz-deild kvenna nú um helgina í tveimur leikjum. Sá fyrsti fer fram á laugardag kl. 16.45 og sá síðari á sunnudag kl. 9.00. Miðaverð er 1000 kr. og frítt fyrir 16 ára og yngri. Forsala miða fer fram í gegnum miðasölu appið Stubb.

Atli Þór Sveinsson er kominn heim í SA eftir að hafa spilað í nokkur ár í Þýskalandi og Finnlandi. Atli er 19 ára varnarmaður uppalinn í SA en flutti ungur út til Þýskalands með fjölskyldu sinni og spilaði þar fyrir unglingalið stórliðsins Eisbären Berlín en síðasta vetur spilaði hann með U20 liði Roki í Finnlandi. Atli hefur spilað með fyrir öll unglingalandslið Íslands og á einnig 3 leiki með A-landsliðinu.

Eltech og Íshokkídeildar SA hafa skrifað undir nýjan styrktarsamning. Eltech er því áfram einn af aðalbakhjörlum SA íshokkídeildar og mun styrkja deildina til áframhaldandi góðra verka.

SA liðin unnu bæði sigra á Fjölni í Hertz-deildunum á laugardag. SA Víkingar unnu Fjölni 6-4 og SA stúlkur 14-3.

SA stúlkur hefja leik í Hertz-deildinni nú um helgina þegar Fjölnir mætir í heimsókn. SA stúlkur áttu yfirburðar tímabil síðasta vetur þar sem liðið lék við hvern sinn fingur og vann alla leiki sína í deild og unnu svo Íslandsmeistaratitilinn eftir harða viðureign við Fjölni í úrslitakeppninni.