Fyrstu heimaleikir vetrarins í bæði kvenna og karla á laugardag þegar Skautafélag Reykjavíkur kemur í heimsókn. Ertu búin að tryggja þér ársmiða?

Styrktu félagið, styrktu strákana og stelpurnar og tryggðu þér gott verð af öllum heimaleikjum í vetur. Öllum ársmiðum fylgir aðgangur að betri stofunni fyrir leik og í leikhléi. Þú finnur Ársmiða SA inn á Stubb. Ársmiði á kvennaleiki SA - 10.000 kr. Ársmiði á karlaleiki SA - 10.000 kr. Ársmiði SA FAN - gildir á bæði karla og kvennaleiki - 15.000 kr. Ársmiði SA Ungir (17-20 ára) – 9.000 kr. Gullkort – 65.000 kr. (takmarkað magn í boði, fyrstir koma, fyrstir fá – tryggðu þitt sæti) Árskortin gilda aðeins á deildarkeppnina en fylgir aðgangur að betri stofunni í úrslitakeppni með aðgangsmiða. Gullkortið gildir bæði í deildar- og úrslitakeppni. Gullkortinu fylgir þitt eigið sæti svo þú getir horft á leikinn beint úr betri stofunni á besta stað. Hamborgari og drykkur fylgir Gullkortinu.

Meistaraflokkar SA karla og kvenna hefja bæði leik í deildarkeppninni á laugardag þegar liðin ferðast suður og leika bak í bak leiki við Fjölni í Egilshöll. Mikil eftirvænting er fyrir fyrstu leikina í deildarkeppninni og fyrir því hvernig liðin koma úr undirbúningstímabilinu sem hefur staðið yfir frá í byrjun ágúst. Liðin okkar bæði eru vel mönnuð frá síðasta tímabili en þó með nokkrum leikmannabreytingum.

Íshokkítímabilið hefst formlega í dag með fyrstu keppnileikjunum í Íslandsmóti en það eru tveir U16 leikir sem báðir verða spilaðir eru í Skautahöllinni hjá okkur í dag. Fyrri leikurinn er lið SA Víkinga gegn Fjölni kl 16:30 og sá síðari leikur SA Jötna gegn SR kl 19:00. Ein deild er í þessu móti þar sem SA teflir fram tveimur liðum en SR og Fjölnir sitthvoru liðinu. Við hvetjum íshokkíunendur að mæta í höllina og horfa á skemmtilega íshokkíleiki.

Sædís Heba Guðmundsdóttir stóð sig vel á Junior Grand Prix í Riga í Lettlandi sem kláraðist í dag. Sædís fékk 86.08 stig og var í 31. sæti í heildarstigakeppninni sem er flottur árangur á hennar fyrsta Junior Grand Prix móti. Næsta verkefni hjá þessari efnilegu skautakonu er Junior Grand Prix í Gdansk í Póllandi sem fer fram í lok september.

Æfingar eru nú að hefjast aftur samkvæmt tímatöflu og starfsemi deilda félagsins er komin á fullt. Byrjendaæfingar í listhlaupi hefjast 26. ágúst og eru á mánudögum og miðvikudögum kl. 16:00-17:15 en aðrar æfingar eru samkvæmt tímatöflu. Byrjendaæfingar í íshokkí hefjast á þriðjudag og verða alla þriðjudaga og fimmtudag kl. 17:00-17:45 og aðrar æfingar samkvæmt tímatöflu. Krulluæfingar hefjast í September og verða auglýstar sérstaklega á heimasíðu krulludeildar.

Föstudaginn 16. ágúst var langþráður dagur runninn upp hjá iðkendum listskautadeildinni, eftir nokkurra ára hlé var komið að áheitaskautun/maraþonskautun. Ákveðið var að stunda æfingar jafnt á ís og af ís frá því klukkan átta að morgni og til klukkan átján að kvöldi. Æfingarnar gengu vel og voru þjálfarar virkjaðir með í að halda æfingunum gangandi líkt og alla aðra daga, en auk þess héldu elstu skautararnir okkar utan um leikjaæfingar afís á milli tarna hjá þjálfurunum okkar. Dagskránni lauk svo með pizzuveislu og skemmtilegri samveru iðkenda og foreldra sem stóð fram eftir kvöldi. Að lokum gistu iðkendur svo í höllinni undir vökulum augum vaskra foreldra. Áheitasöfnunin gekk vonum framar og hafa þegar safnast 373.500 krónur. Það munar svo sannarlega um minna í rekstrinum á litlu deildinni okkar. Við í stjórn LSA þökkum öllum sem komu að því að gera daginn eins eftirminnilegan og hann reyndist. Iðkendum, foreldrum/forráðamönnum styrktaraðilum og þeim sem gáfu veitingar til að halda orku á tanki skautaranna.

Það eru nóg um að vera í skautaíþróttunum í sumar fyrir fríska krakka. Í júní bíður SA uppá skauta- og íshokkí leikjanámskeið fyrir öll börn fædd 2018-2014 daganna 10. - 14. Júní Frábært tækifæri fyrir bæði byrjendur sem og iðkendur til þess að skemmta sér í leikjum og fá skautakennslu í leiðinni. Leikjanámskeiðið fer fram bæði á útisvæðinu við Skautahöllina og inni á skautasvellinu. Það er hægt að velja á milli þess að vera í listskautum eða í fullum íshokkíbúnaði í leikjunum á námskeiðinu. Allur búnaður innifalinn og engin reynsla á skautum er nauðsynleg. Sarah Smiley hefur yfirumsjón með námskeiðinu. Skráning á námskeið: sportabler.com/shop/sa/ishokki

Velkomin á vorsýningu listskautadeildar - Encanto á ís á laugardag 1. júní kl 16:00 💐⛸🍀 Miðasala á staðnum: 2500 kr fyrir 18 ára og eldri 1500 kr fyrir 17 ára og yngri - frítt inn fyrir 5 ára og yngri Foreldrafélag listskautadeildar verður með veitingasölu.

Ólöf Björk Sigurðardóttir var gerð að heiðursfélaga Skautafélags Akureyrar fyrir störf sín fyrir Skautafélag Akureyrar á aðalfundi þess sem fram fór í gærkvöld. Ólöf Björk, sem lét af formennsku íshokkídeildar fyrr í vikunni, hefur verið formaður íshokkídeildar í 20 ár og setið í aðalstjórn Skautafélags Akureyrar í 15 ár.