Í gærkvöldi fór fram æsispennandi leikur á milli liðanna úr heimabæ hokkísins, Jötna og Víkinga.  Víkingar voru taldir sigurstranglegri aðilinn fyrir þennan leik en þó varð að taka tilllit til þess að Jötnar hafa verið á mikilli siglingu upp stigatöfluna að undanförnu og hafa náð í stig síðustu leikjum gegn SR og Birninum.  Það voru svo Jötnarnir sem fóru betur af stað og komust í 3 - 0 í fyrstu lotu á meðan Víkingar virtust heillum horfnir.  Þeir náðu þó að klóra aðeins í bakkann þegar Andri Mikaels skoraði eftir frákast frá Orra Blöndal.  Mörk Jötnanna skoruðu Stefán Hrafnsson og Mr.LeCunt.

Tvö myndasöfn eru frá þessum leik. Sigurgeirs er hér og Elvars hér.

Jötnar tóku Bjarnarmenn í bakaríið í Skautahöllinni í kvöld og lögðu þá að velli með 7 mörkum gegn 3.   Bjarnarmenn eru aðeins svipur hjá sjón ef miðað er við liðið frá því í fyrra sem fór alla leið í 5. leik í úrslitum.  Leikurinn var þó jafnari en tölurnar gefa til kynna en pökkurinn féll ekki Bjarnarmegin en þeir áttu fleiri skot á markið en Jötnar.  Sæmundur Leifsson var góður í markinu og ólánið elti gestina, allt hjálpaðist að.

Loturnar í kvöld fóru 2 – 1, 3 – 1 og 2 – 1, og Jötnar aldrei í teljandi vandræðum með gestina.  Jötnar stilltu upp 20 manna liði í kvöld og allri fengu ístíma.  Birgir Örn Sveinsson skorað sitt annað mark á ferlinum og ætlar greinilega að koma sterkur inn á endasprettinum.  Annar nýliði, Birgir Þorsteinsson, ungur og efnilegur 16 ára leikmaður skoraði 3. mark leiksins og sitt fyrsta mark í meistaraflokki eftir sendingar frá Jóa Leifs og Pétri Sigurðssyni.

 Nú stendur til að panta félagspeysur. Þær eru frá 66° Norður og eru úr powerstretch flís, rauðar fyrir stelpurnar en svartar fyrir strákana. Peysurnar eru merktar með logo-i skautafélagsins. Til að finna réttu stærðina er hægt að fara niðrí 66° Norður á Glerártorgi og máta og senda síðan pöntun á netfangið jona@nordlenska.is fyrir föstudaginn 4. febrúar nk. Einning er hægt að fá skautabuxur frá 66° Norður sem eru svartar og úr powerstretch. 

Peysur:Barnastærð 92-164: kr. 6.700, Fullorðins xs-xl: kr. 10.900 

Buxur:Barnastærð 92-164: kr. 4500,  Fullorðins xs-xl: kr. 7100 

Besta kveðja, Jóna

Víkingar náðu þriggja stiga forskoti á toppi deildarinnar með góðum 6 - 1 sigri á SR hér í Skautahöllinni á Akureyri í kvöld.  Fyrir þennan leik var ljóst að þessi tvö lið munu mætast í úrslitum í byrjun mars og því ætluðu bæði lið að gefa tóninn fyrir það sem koma skal.  Einhver taugatitringur var í mönnum í upphafi leiks og leikurinn fór varla almennilega af stað fyrr enn í 2. lotu.  1. lota var markalaus en 2. lota byrjaði af miklum krafti.

Í byrjunar uppkastinu barst pökkurinn til Andra Más sem sló pekkinum aftur til Ingvars í vörninni sem sendi fasta stungu á Rúnar Rúnarsson á fjær bláu sem stakk sér eins og elding upp að marki og lék Ævar grátt í markinu.  Þarna voru aðeins liðnar 11 sekúndur af lotunni en á 28. mínútu jafnaði Tómas Tjörvi með aðstoð Þormóðssona.  Aðeins þremur mínútum síðar kom sigurmarkið hjá Víkingum og óhætt að segja að það hafi verið „einstaklega glæsilegt“, dularfullur slöngvu floppari utan af miðjum velli sem rétt slapp við að lenda í loftljósunum áður en hann skoppaði fyrir framan markið og inn í netið á meðan Ævar var að borða nestið sitt, algerlega óviðbúinn þessari himnasendingu.  Staðan 2 – 1 og þannig lauk 2. lotu.