Framkvæmdirnar í Skautahöllinni hafa gengið samkvæmt áætlun í sumar. Það sem af er sumri hefur náðst að smíða allt burðarvirkið og grinda upp útveggi. Á síðustu tveimur vikum hafa útveggir verið klæddir að utan og áformað er að í næstu viku komi ysta lagið í klæðninguna á útvegginn sem er úr krossvið og þá kemur lokaútlit byggingarinnar að utan í ljós. Því næst verður gólfplatan tæmd og lyfturnar fjarlægðar svo hægt verði að byrja að undirbúa ísgerðina. Framkvæmdirnar halda svo áfram innan útveggjanna en verklok eru áætluð 1. júní 2023. Ísgerðin hefst þó ekki fyrr en nýju frystivélarnar eru tengdar en þær koma um helgina til Akureyrar og mun næsta viku fara í að tenga þær svo ef allt gengur að óskum með það verður hægt að koma frosti á plötuna í annarri viku og æfingar á ís geta hafist fyrir miðjan september.

Skautafélag Akureyrar kynnir þrjá nýja leikmenn í lið SA fyrir komandi tímabil í Hertz-deildinni. Leikmennirnir eru landsliðskonurnar Saga Margrét Sigurðardóttir og Herborg Rut Geirsdóttir ásamt Kanadíska markmanninum Shawlee Gaudreault.

U18 stúlkna landslið Íslands í íshokkí ferðaðist í dag til Istanbúl í Tyrklandi þar sem liðið tekur þátt í heimsmeistaramótinu í íshokkí í 2. deild daganna 27. júní - 5. júlí. Þetta er í fyrsta sinn sem Íslands sendir U18 stúlkna landslið til leiks og því um spennandi tímamót að ræða. Auk Íslands eru Bretland, Holland, Ástralía Spánn, Kasakstan, Tyrkland, Mexíkó og Lettland í mótinu en Ísland er í riðli með Ástralíu og Spáni. Ísland hefur leik á mánudag en þá tekur liðið á móti Ástralíu kl. 10 á íslenskum tíma. Fylgjast má með dagskránni ásamt stöðu mótsins á heimsíðu alþjóða íshokkísambandsins. Hægt er að fylgjast með leikjum Íslands í beinni útsendingu á youtube rás Tyrkneska Íshokkísambandsins.

Aðalfundur Listhlaupadeildar Skautafélags Akureyrar verður haldinn miðvikudaginn 11. maí kl. 17:00 í fundarherbergi ÍBA í íþróttahöllinni.

Um síðastliðna helgi fóru sextán SA stelpur til Reykjavíkur og tóku þátt í U16 stúlknamóti í Egilshöll ásamt stelpum frá Fjölni og SR. Íhokkísambandið styrkir þetta mót sem haldið var í annað sinn þetta árið en um 45 stelpur tóku þátt í mótinu. Tilgangurinn er að styðja við og efla uppbyggingu kvennahokkísins, efla kynni milli liðanna, læra og hafa gaman.

Boðað er til aðalfundar Skautafélags Akureyrar miðvikudaginn 11. maí kl. 18.00 í fundarherbergi ÍBA í íþróttahöllinni. Venjuleg aðalfundarstörf skv. lögum félagsins.

Aðalfundur Íshokkídeildar Skautafélags Akureyrar verður haldinn mánudaginn 9. maí kl. 20:00 í fundarherbergi ÍBA í íþróttahöllinni.

Vorsýning listhlaupadeildar verður haldin á sunnudag kl. 17:00. Þema sýningarinnar í ár er Íslenska söngvakeppnin - fyrr og nú. Láttu ekki þessa frábæru sýningu fram hjá þér fara, sjón er sögu ríkari.

Skautasamband Íslands hefur hug á að koma á fót æfingum í skautahlaupi á stuttri braut - skautaati eða short track speed skating. Dagskráin hefst á Akureyri laugardaginn 23. apríl með fyrirlestri í fundarsal Skautahallarinnar kl. 14:30 þar sem íþróttin og umhverfi hennar verður kynnt áhugasömum íþróttafélögum ásamt stjórnendum íþróttamála og öðrum áhugasömum.

U18 ára landslið Íslands hefur leik í dag á heimsmeistaramótinu í íshokkí í 3. deild A sem fram fer í Istanbul í Tyrklandi. Fyrst i leikur liðsins er í dag kl. 13.30 en þá mætir liðið Belgíu en beina útsendingu má finna á youtube rás Tyrkneska Íshokkísambandsins.