Skautafélag Akureyrar

Carolina Hurricanes NHL meistarar!!

20.06.2006

Carolina Hurricanes urðu í nótt NHL meistarar í fyrsta skipti í sögu félagsins. Carolina vann 7 leikinn 3-1 gegn Edmonton Oilers, en 4 leiki þarf til að hampa hinum eftirsótta Stanley bikar. Eftir leikinn hlaut svo nýliðinn og markmaður Carolina, Cam Ward bikarinn sem besti leikmaður úrslitakeppninnar.

Lokaúrslitaleikurinn er í kvöld

19.06.2006

Í kvöld er lokaleikurinn i rimmu Edmonton Oilers og Carolina Hurricanes um bikar Stanleys Lávarðar

Meistaraflokkur

12.06.2006

Skautafélag Akureyrar hefur ráðið nýjan þjálfara fyrir leiktímabilið 2006-2007. Það er enginn annar en Dr. Hook, rauður nr. 43 Hooking!! Sveinn"Denni"Björnsson. Denna þekkja flestir vitibornir íshokki unnendur, hann hefur verið með skautafélaginu sem leikmaður og þjálfari hjá yngri flokkum nánast allt sitt líf. Einnig smiðaði hann okkar blessuðu höll einn og óstuddur. :) Denni hefur hefur gefið það út að hann ætli sér að hefja undirbúnings tímabilið um miðjan Júli og það sé eins gott að meistaraflokksmenn mæti, enda megi alveg skera nokkur kíló af nokkrum leikmönnum. :) Einhverjar mannabreytingar verða í hópnum, Clark og og Gunnar þór hafa ákveðið að leggja skautana á hilluna sökum aldurs, og hafa aðrir tilkynnt "comback" í hópinn á ný, nöfn þeirra verða tilkynnt síðar. Ekkert hefur verið rætt um erlenda leikmenn en meira um það síðar. Annars er það að frétta af meistaraflokksmönnum að þeir fagni komu Denna og leikmenn hlakka mikið til komandi leiktímabils undir stjórn Denna. ÁFRAM S.A.!!!!

Fundur hjá meistaraflokki!!

07.06.2006

Leikmenn meistaraflokks karla eru beðnir um að mæta á fund Fimmtudaginn 7 júni kl 20:00.

Íshokki vestan hafs og austan

27.05.2006

Keppnistímabilinu hjá okkur er lokið og allir farnir að smyrja legurnar á línuskautunum. Svíar eru tvöfaldir meistarar árinu, unnu bæði á Ólympíuleikunum í Tóríno og um síðustu helgi einnig Heimsmeistarakeppnina, en hún fór fram í Ríga að þesu sinni.

Aðalfundur, breytingar á stjórn

22.05.2006

Nokkrar breytingar urðu á aðalstjórn félagsins á aðalfundi félagsins sem haldin var fimmtudagskvöldið 18. maí. Þórdís Ingvadóttir gaf ekki kost á sér áfram sem formaður en verður meðstjórnandi í nýrri stjórn. Jón Rögnvaldsson, Hilmar Brynjólfsson og Sigurgeir Haraldsson hætta í stjórn en áður hafði Jón Hansen sagt sig úr stjórninni.

Nýkjörin stjórn Skautafélags Akureyrar er þannig skipuð: Lena Kaisa Vitanen formaður (betur þekkt sem Mimmi), Jón Björnsson varaformaður, Ólafur Hreinsson gjaldkeri, Ólöf Sigurðardóttir ritari, og Helga Margrét Clarke, María Jónsdóttir og Þórdís Ingvadóttir meðstjórnendur. Endurskoðendur félagsins voru kjörnir þeir Jón Rögnvaldsson og Sigurgeir Haraldsson.

Upplýst var á fundinum að viðsnúningur hefur orðið á rekstri félagsins í heild og hefur orðið veruleg breyting til batnaðar hjá öllum deildum félagsins í fjármálum þannig að SA félagar geta væntanlega horft með bjartsýni fram á veginn.

Fundurinn var þokkalega sóttur. Fundarstjóri var Sigfús Helgason formaður Þórs og stýrði hann fundinum af mikilli röggsemi. Þess má til gamans geta að stutt hlé var gert á skýrslu gjaldkera Íshokkídeildar á meðan Sylvía Nótt spriklaði á sviðinu í Aþenu.

Aðalfundur Skautafélags Akureyrar

17.05.2006

verður haldin í Skautahöllinni fimmtudagskvöldið 18. maí, kl. 20:00.

Síðasta æfing vetrar búin!

11.05.2006

Nú er skautatímabilinu 2005-2006 lokið hjá öllum flokkum og vil ég nota tækifærið og þakka fyrir veturinn.

Í gær fengu þeir sem mættu bréf heim til sín um atriði sem þarf að hafa í huga fyrir næsta tímabil, nýja dansa og skauta o.s.frv. Þeir sem ekki mættu geta nálgast það bréf hér! Í bréfinu sem iðkendurnir fengu með sér heim eru meðal annars upplýsingar varðandi keppnisflokk sem þeir munu keppa í á næsta tímabili. Þessi flokkaskipting er þó birt með fyrirvara.

Bráðlega verður auglýstur dagur þar sem iðkendur M, 1., 2. og 3. flokks verða beðnir um að koma með skautana sína og fá ráð hjá þjálfurum með skautakaup, það væri gott ef að foreldrar gætu séð sér fært að koma líka.

Kv. Helga Margrét

Skautaskóli í Landskrona Svíþjóð

09.05.2006

Sælir góðir hálsar. Ég er að hugsa um að senda Sigga Reynis model ´95 í hokkískóla til Landskrona í Svíþjóð vikuna 16 - 22 júlí í sumar, sama stað og hann og fleiri fóru á í fyrrasumar og sumarið 2004. Heimasíðu skólans má skoða hér http://hem.passagen.se/swishhockey . Nú er spurningin hvor aðrir foreldrar hafi áhuga á að senda sín börn um leið og hvort við getum myndað smá hópferð úr þessu ? . Ef þið hafið áhuga á að skoða þetta hafið þá samband við mig á reynir@sasport.is eða í gsm 660-4888. kv.......Reynir

Árshátíð Skautafélagsins