SA Víkingar taka á móti Birninum á laugardag kl 16.30

SA Víkingar taka á móti Birninum í Hertz-deild karla laugardaginn 13. janúar kl 16.30 í Skautahöllinni á Akureyri. Mikil barátta er um sætin í úrslitakeppninni en SA Víkingar sitja nú í öðru sæti deildarinnar 4 stigum á eftir Esju sem hefur spilað 3 leikjum meira en Víkingar. Björninn er 10 stigum á eftir Víkinum í þriðja sæti deildarinnar. Fyllum stúkuna og styðjum okkar lið til sigurs! Aðgangseyrir 1000 kr. frítt inn fyrir 16 ára og yngri.

Ynjur með sigur á Reykjavík

Ynjur gerðu góða ferð í Laugardalinn í gær, laugardag, þegar þær sóttu lið Reykjavíkur heim. Það má segja að það hafi verið viðeigandi að heyra í flugeldasýningunni yfir Laugardalnum þegar þær innsigluðu 13:7 sigur sinn á Reykjavíkurliðinu. Þær eru nú einu einu stigi á eftir Ásynjum en Reykjavík sem fyrr án stiga.

MINNINGARSJÓÐUR MAGNÚSAR EINARS FINNSSONAR AUGLÝSIR EFTIR UMSÓKNUM

Stjórn Minningarsjóðs Magnúsar Einars Finnssonar auglýsir eftir umsóknum um styrki. Umsóknarfrestur er til 15. janúar 2018.

Innanfélagsmót 4/5 flokks kláraðist á fimmtudag

Innanfélagsmót 4. og 5. flokks kláraðist síðastliðin fimmtudag þegar úrslitaleikirnir voru leiknir. Appelsínugulir unnu rauða í bronsleiknum nokkuð sannfærandi með 6 mörkum gegn engu. Úrslitaleikur grænna og svartra var æsispennandi og lauk með sigri grænna 5-4 en úrslitamarkið kom á síðustu mínútu leiksins. Í lok mótsins voru bestu leikmenn haustmótaraðarinnar heiðraðir.

Eva María Karvelsdóttir íshokkíkona SA 2017

Eva María Karvelsdóttir hefur verið valin íshokkíkona Skautafélags Akureyrar árið 2017. Eva María er varnarmaður og hefur verið lykilleikmaður í liði Ásynja sem og kvennalandsliði Íslands síðastliðin ár. Árið 2017 var mjög gott hjá Evu en henni hlotnaðist sá heiður að vera valin besti varmarmaður heimsmeistaramóts kvenna sem fram fór á Akureyri síðastliðin vetur þar sem hún skoraði 2 mörk og lagði upp önnur 4 mörk í 5 leikjum. Eva María var á dögunum einnig valin íshokkíkona Íslands fyrir árið 2017.

Orri Blöndal íshokkímaður SA 2017

Orri Blöndal hefur verið valinn íshokkímaður SA árið 2017. Orri er 27 ára varnarmaður og er aðstoðarfyrirliði í liði SA Víkinga. Orri spilaði hefur spilað stórt hlutverk í liði SA Víkinga á árinu 2017 og er einn allra besti varnarmaður Íslands.

SA Víkingar lögðu Esju í toppslagnum

SA Víkingar lögðu Esju á laugardaginn í toppslag Hertz-deildarinnar þar sem úrslit réðust ekki fyrr en í framlengingu. SA Víkingar hefðu þurft sigur í venjulegum leiktíma til að ná toppsætinu af Esju og eru því einu stigi á eftir Esju í deildarkeppninni . SA Víkingar gætu þó enn náð toppsætinu fyrir jól þó svo að leikurinn hafi verið sá síðasti fyrir SA Víkinga fyrir jól. SR hefur nú þegar gefið leikinn sem átti að fara fram á þriðjudagskvöld og fá Víkingar því 3 stig. Esja mætir Birninum annað kvöld og fari svo að Björninn steli stigum af Esju ná SA Víkingar toppsætinu án þess að spila eins einkennilega og það kann að hljóma.

Ísold Fönn Vilhjálmsdóttir sigraði á Grand prix Bratislava 2017

Ísold Fönn Vilhjálmsdóttir sigraði á Grand Prix Bratislava 2017 í flokknum Advanced Novice

Marta María Jóhannsdóttir kjörin skautakona LSA árið 2017

Í dag að lokinni jólasýningu var Marta María Jóhannsdóttir krýnd sem skautakona LSA árið 2017

Viðburðarík helgi hjá Listhlaupadeild SA!

Marta María Jóhannsdóttir var kjörin skautakona ársins hjá Listhlaupadeildinni og fékk hún viðurkenninguna að lokinni jólasýningu deildarinnar. Ísold Fönn Vilhjálmsdóttir sigraði, fyrst Íslendinga, á ISU móti í listhlaupi. Hún tók þátt á Grand Prix móti í Bratislava um helgina og sigraði í flokknum advanced novice með 93,39 stig.