Gimlimótið klárast í kvöld.

Aldís Kara Bergsdóttir er íþróttakona Akureyrar 2021. Þetta er í þriðja sinn í röð sem Aldís hlýtur nafnbótina en Aldís átti stórkostlegt íþróttaár 2021. Aldís byrjaði árið 2021 með því að setja Íslandsmet í janúar 2021. Aldís vann sér svo inn keppnisrétt á Evrópumeistaramótinu fyrst íslenskra skautara og bætti svo sitt eigið Íslandsmeit á Íslandsmeistaramótinu síðar á árinu.

Leik frestað vegna Covid nýr leiktími auglýstur síðar Það verður toppslagur í Hertz-deild kvenna á sunndag kl. 16:45 þegar SA tekur á móti Fjölni í Skautahöllinni á Akureyri. SA er sem stendur í efsta sæti deildarinnar með 18 stig eftir átta leiki en Fjölnir fylgir fast á eftir með 15 stig eftir sex leiki. Aðgangur 1000 kr. og frítt fyrir 16 ára og yngri.

Mikið er um að vera hjá SA leikmönnunum okkar erlendis en ekkert lát virðist vera á vinsældum leikmanna Skautafélags Akureyrar á meðal sænskra íshokkíliða því 8 leikmenn frá Skautafélagi Akureyrar spila um þessar mundir með sænskum íshokkíliðum.

Gimlimótið 2022

Norðurlandamótið í listhlaupi í Hørsholm í Danmörku kláraðist núna um helgina. Aldís Kara Bergsdóttir bætti stigamet íslenskra skautara á Norðurlandamóti í Senior flokki en hún náði 119.75 stigum og endaði í 9. sæti en hún fékk 42.09 stig í stutta og 77.66 stig í frjálsa.

Íshokkítímabilið fór aftur af stað nú um helgina en meistarflokkar kvenna og karla spiluðu 3 leiki um í Reykjavík og unnust sigrar í þeim öllum. Meistaraflokkur kvenna sigraði SR tvívegis, fyrst 3-1 á föstudagskvöld og svo 13-0 á laugardag. SA Víkingar mættu FJölni í gær og unnu 11-0 sigur.

Aldís Kara Bergsdóttir og Gunnar Aðalgeir Arason voru heiðruð nú í vikunni þar sem stund gafst milli stríða í þéttri dagskrá Aldísar Köru um þessar mundir en þau Aldís og Gunnar eru íþróttafólk SA árið 2021. Aldís var valin skautakona ársins hjá listhlaupadeild á dögunum og skautakona ársins hjá Skautasambandi Íslands árið 2021. Gunnar Arason var varinn íshokkímaður íshokkídeildar SA árið 2021. Gunnar og Aldís eru einstaklega vel að þessum titlum komin eru tilnefnd af SA til Íþróttafólks Akureyrar. Við óskum þeim Aldísi og Gunnari hjartanlega til hamingju með þessa nafnbót.

Norðurlandamótið í listhlaupi sem fram fer í Hørsholm í Danmörku hófst í dag en við eigum fjórar stúlkur í landsliðshópnum. Freydí Jóna Jing Bergsveinsdóttir og Sædís Heba Guðmundsdóttir hófu keppni í dag í stutta prógraminu í Advanced Novice og stóðu sig báðar með prýði. Síðar í dag mun Júlía Rós Viðarsdóttir skauta stutta prógramið sitt í Junior flokki og Aldís Kara Bergsdóttir hefur svo leik í Senior flokki á laugardag þar sem hún hefur tækifæri á að ná lágmörkum fyrir Heimsmeistaramótið. Streymt er frá mótinu og ýttið hér á hlekkina til að sjá dagskránna og stig. Áfram Ísland.

Það var söguleg stund þegar Aldís Kara Bergsdóttir steig á ísinn í Tondiraba skautahöllinni í Tallinn í Eistlandi rétt fyrir klukkan 10 í gærmorgun og hóf þar með þátttöku á Evrópumeistaramóti ISU, fyrst íslenskra skautara.